【#溏心3#巡禮】藝人@米雪LV 、@王浩信 、@岑麗香香 為無綫新劇《溏心風暴3》拍攝節目巡禮，米雪透露劇中與李國麟演極度有錢夫妻，看不起經營茶餐廳的夏雨，故阻止女兒岑麗香與飾演夏雨兒子的王浩信拍拖。米雪表示曾與香香於劇集《貓屎媽媽》合作過，大讚她中文程度進步了很多：「以前佢會唔明，好似成語都會要解釋畀佢聽先，相信依家佢會進步好多。」問於劇中可會有金句？米雪表示相信會交由李司棋及夏雨負責。
劇中講述香香愛上茶餐廳太子王浩信，但卻被戲中演她媽咪米雪棒打鴛鴦。提到米雪大讚香香中文有進步，香香笑謂：「隔咗幾年，希望中文可以好啲，應該都會係嘅，其實同浩信上一次合作係上年播出嘅《樓奴》，所以套劇出年2月拍嘅話，中文會仲好，反而英文會退步就真。（同男友講英文唔會退步啦！）依家唔係佢嘛！其實不嬲都鍾意同浩信拍嘢，佢會挑戰我諗多啲角色嘅嘢，做多啲Research，所以期待再合作。」 而王浩信則透露劇中與香香上演羅密歐與茱麗葉的愛情故事，但亦大讚對方比起上次進步不少，他謂：「佢依家講中文嘞嘞聲，累積咗好多人生經驗，依家又拍埋拖，睇法都會成熟啲。」