རབ་ཏུ་བྱུང་བའི་ཕན་ཡོན་ལ་བསྟོད་པ་ཚིགས་སུ་བཅད་པའི་མདོ་ཞེས་བྱ་བ་བཞུགས་སོ།། 
རིང་མོ་ལུང་ལས་བསྡུས་པར་བསྟན།། དགེ་འདུན་དཀོན་མཆོག་ཞིང་ལ་བསྟོད།། ཚངས་པ་བརྒྱ་བྱིན་ལ་སོགས་པས།། ཚངས་དབྱངས་སྙན་པོས་དགེ་འདུན་བསྟོད།། ས་ཡི་ལྷ་མོ་བརྟན་མ་སོགས།། དགེ་འདུན་དཀོན་མཆོག་རྣམས་ལ་བསྟོད།། ང་ཡི་བསྟན་མཇུག་རབ་བྱུང་རྣམས།། དགེ་འདུན་དཀོན་མཆོག་རྟག་ཏུ་གནས།། དགེ་འདུན་འཕེལ་བར་བསྟན་པ་དར།། བླ་མེད་བྱང་ཆུབ་འབྲས་བུ་ཐོབ།། མ་རུངས་སྙིགས་མའི་འཇིག་རྟེན་འདིར།། རྒྱལ་བའི་འདུས་སྡེ་གཙང་མར་གནས།། འགའ་ཞིག་འབྲས་བུ་བཞི་འདོད་དང་།། འགའ་ཞིག་འབྲས་བུ་མངོན་འགྱུར་བ།། གང་ཟག་ཟུང་བཞི་ཡ་བརྒྱད་སོགས།། མཐུན་པའི་དགེ་འདུན་རྒྱུན་ཆད་མེད།། འགའ་ཞིག་སྦྱང་བའི་ཡོན་ཏན་ཅན།། ལ་ལ་དབེན་པར་ཞི་བར་གནས།། དེ་ཀུན་རང་གི་སྲོག་བཞིན་དུ།། ཕྲ་བའི་ཚུལ་ཁྲིམས་ཡང་དག་སྲུང་།། འགའ་ཞིག་ཟབ་རྒྱས་ཤེས་རབ་སློབ།། འགའ་ཞིག་ཏིང་འཛིན་བསམ་གཏན་སྒོམ།། ཐམས་ཅད་དགེ་འདུན་སྡེར་འདུས་ཏེ།། ཆུ་བརྒྱ་རྒྱ་མཚོར་གཞོལ་བ་བཞིན།། དཀོན་མཆོག་ཁྱད་འཕགས་དགེ་འདུན་གྱིས།། སེམས་ཅན་རྣམས་ལ་དགེ་རྩ་སྐྲུན།། ལྷ་མིའི་འབྲས་བུ་ཡང་དག་སྟེར།། བསྟན་ལ་རབ་བྱུང་ཀུན་ལས་འཕགས།། དྭངས་པའི་ཡིད་ཀྱིས་ཆུ་འཁྱོར་གང་།། དེར་འཕུལ་བསོད་ནམས་དཔག་ཏུ་མེད།། རྡུལ་ཕྲན་གྲངས་ནི་གཞལ་བར་ནུས།། དགེ་འདུན་ལ་མཆོད་ཚད་ཡོད་མིན།། གང་ཞིག་མྱུར་དུ་སྐྱེ་འཆི་ཡི།། རྒུད་པའི་ཆུ་བོ་བརྒལ་འདོད་པས།། དགེ་འདུན་སྡེ་ལ་བསྟེན་ནས་སུ།། དགེ་རྩ་ཡང་དག་བསྐྲུན་པར་བྱ།། བསོད་ནམས་དཔལ་གྱི་ཞིང་མཆོག་ཏུ།། དགེ་བའི་ས་བོན་གང་བཏབ་པ།། འབྲས་བུ་དཔག་མེད་ཐོབ་འགྱུར་ཏེ།། སྤྲིན་པར་ཆར་ཆུ་སྦྲུམ་པ་བཞིན་།། སྦྱིན་བདག་གཉིས་འཛིན་མེད་སེམས་ཀྱིས།། མཐོ་དམན་མི་གཞལ་འདྲ་མཉམ་དུ།། དགེ་འདུན་མཆོད་པའི་གང་ཟག་ལ།། ལྷ་མིའི་འབྲས་བུ་ཡང་དག་ཐོབ།། དཔག་མེད་ཡོན་ཏན་གྱིས་བརྒྱན་པའི།། བརྩེ་ཆེན་སྟོན་པའི་རྗེས་འཇུག་རྣམས།། ཐལ་བས་གཡོག་པའི་མེ་བཞིན་དུ།། ཐ་མལ་མིག་གིས་མཐོང་བར་དཀའ།། འགའ་ཞིག་ལྟ་སྣང་ཚུལ་འཆལ་ཡང་།། ནང་གསང་ཡོན་ཏན་དཔག་མེད་ལྡན།། དད་གུས་མཆོད་གནས་འཕགས་ཆེན་རྣམས།། བྱིས་པས་གཏིང་དཔོག་མི་ནུས་སོ།། འགའ་ཞིག་ཕྱི་ཚུལ་སྤྱོད་ལམ་བཙུན།། འགའ་ཞིག་འདོད་པ་མ་སྤོང་བ།། ཕྱི་ཚུལ་སོ་སོ་སྐྱེ་བོར་སྣང་།། ནང་གི་དེ་ཉིད་འཕགས་པར་གནས།། ཨ་མྲའི་འབྲས་བུ་རིགས་བཞི་ལྟར།། སྨིན་དང་མ་སྨིན་འབྱེད་པར་དཀའ།། རྒྱལ་བུ་སྲས་ཀྱང་དེ་བཞིན་ཏེ།། ཚུལ་ཁྲིམས་ལྡན་མིན་དབྱེ་བར་དཀའ།། དེས་ན་ཀུན་ལ་ནན་གྱིས་སྐུལ།། དགེ་འདུན་དཀོན་མཆོག་སྨོད་མི་བྱ།། སྡུག་བསྔལ་མཚོ་ལས་བརྒལ་འདོད་པས།། རྟག་ཏུ་ཞིང་བཟང་སོ་ནམ་བྱ།།

赞僧功德经

　　阿含经中略集出，　　叹大福田诸僧宝，
　　大梵天王及帝释，　　以大梵音赞僧宝。
　　如地坚牢诸神等，　　赞叹一切僧宝众，
　　我末法中出家人，　　常住僧宝常住僧。
　　僧宝僧共兴佛法，　　志求菩提微妙果，
　　于浊苦恶世界中，　　常在如来清净众。
　　僧中或有求四果，　　或以证果在僧中，
　　此等八辈诸上人，　　和合僧中常不断。
　　或有头陀常乞食，　　或有山间乐寂静，
　　乃至于微细戒中，　　不犯如来严命教。
　　或有深广学智慧，　　或有息虑习诸禅，
　　并皆集在僧众中，　　犹如百川归大海。
　　殊胜妙宝大德僧，　　长养众生功德种，
　　能与人天胜果者，　　无过佛法僧宝众。
　　善心僧中施掬水，　　获福多于大海量，
　　微尘尚可有算期，　　僧中施宝无有尽。
　　若人当来求远离，　　越于生死贫穷河，
　　应当速疾志诚心，　　于僧宝中树因果。
　　于此最妙良福田，　　若有种植功德子，
　　当来收获无边畔，　　犹如云中含大雨。
　　施者不筹量度者，　　平等奉施无二心，
　　是人方可能堪任，　　受人天中胜妙果。
　　无量功德具庄严，　　大悲世尊弟子众，
　　凡人肉眼难分别，　　犹如灰覆于火上。
　　或有外现犯戒相，　　内秘无量诸功德，
　　应当信顺崇重之，　　贤圣愚凡不可测。
　　或有外现具威仪，　　或示未能舍其欲，
　　外相人观谓凡夫，　　不妨内即是其圣。
　　内如四种庵罗果，　　生熟难分不可别，
　　如来弟子亦如是，　　有戒无戒亦难辨。
　　是故殷勤劝诸人，　　不听毁骂僧宝众，
　　若欲不沉沦苦海，　　常当敬重植良田。