位於清邁「Elephant Nature Park」一直以來都會接收一啲由人類飼養但生活條件極差嘅大象或者棄養大象，佢哋表示疫情期間已經接收咗大量由動物園及私人團體送嚟嘅大象，由於組織只靠捐款維生，目前要照顧大量大象，導致資金唔夠，加上無遊客做志願工又無錢請人，長此下去恐有大批大象被餓死。

至於位於泰國保育園區內野生大象，其實都唔係好得大多，園區由於疫情而關閉，雖然大象樂得清閒自由搵食，但同時園區職員大減，令大象有時都會挨餓，近日仲發生有大象破門闖入民居廚房偷食事件呢！