連日嚟收到大家嘅訊息，感謝大家嘅祝福！

作為丈夫，好感激太太嘅付出，懷孕期間太太同時要照顧心心，又要打理各方面嘅事情，要好感激太太嘅一切一切❤️ @楊怡TaviaYeung是楊茜堯

當細佬出世嘅時候，睇到心心有微妙嘅轉變，感覺佢突然長大，可能感受到自己係姐姐，睇到佢主動摸細佬、錫細佬，我同太太都好感動，作為父母最大心願都係希望自己嘅小朋友能快樂、健康成長！

感謝醫院各位連日嚟嘅照顧 ，整個6樓嘅護士團隊，Guest Relations 團隊嘅ChiChi、Rose 、Tina 同埋你地嘅同事們，因為有熟悉嘅你地，太太同我可以安心地再一次迎接我地家庭新成員！

多謝主診醫生Dr.Louis Chan 、Dr.Chan團隊阿Jo、麻醉科醫生Dr.Ho，平安帶弟弟嚟到我地身邊！

多謝Johnny 、Susan，你地嘅相片，留住我地嘅每一個回憶！