#曹永廉[超话]# 2022.08.29《#痞子殿下#》之「友達以上 戀人未滿」精華片段 @曹永廉Raymond
(P.S.一開頭係我自己同阿廉影的小短片,跟住係網上搵到唔同出處的片,有佢上台影相,然後就係再次上台介紹劇情,冋埋玩遊戲,做瑜 伽動 作,整頭飾,大合照等的片段,最後有多次我影佢上台影相時的片,因為我係影全身,之前的係近鏡半身的,話說阿廉托腮的表情同動作都好可 愛呀!
話說呢個活動又係拖咗好耐,我先有時間出…其中一個原因係,我自己當日錄的活動長 片無晒,變咗做播唔到的D A T檔,我自己又唔識得修 復番,激s我啦,浪 費晒我的心機同手力,等我仲舉住部機影咗半個幾鐘,影到手都震埋,點知乜片都無晒,😫叫做好 彩的係,其他短片同相就無事,同埋果日官方同其他觀眾都有影到片,所以我就上網搵番當日的片嚟剪輯番,所以成個剪輯係集各家之大成,我揀咗最好的角度嚟剪埋一齊的,不過就無好似我自己影咁集中影住阿廉了.果日都唔係太順利,好早前約咗一齊去的粉絲又放我飛機,出門前連帶的隱 形眼鏡都會斷咗,好似有預感呢日會唔多順 利咁,不過都叫好 彩的係,唔多順 利的都係小事,最後果日都見到阿廉真人同埋同佢影到相,最大收穫仲係攞到劇集的宣傳小禮物,就係印有阿廉佢哋多人版的雙面扇,我想要好耐的了,好靚好精美呀!
話說活動前,我就知道果日有d演員會著古裝出席的,我仲好開心咁心唸咁咪可以同古裝的阿廉影相囉,因為係好難得可以見到古裝廉的,但我又担心咁佢就要跟公司車,影相時又可能唔太方便了,點知係我唸多咗,果日只係幾個後生的演員有著古裝同唔駛帶口罩,其他演員都係著自己衫同全程帶晒口罩,加上果日阿廉又著得比較隨意,仲要帶埋頂cap帽,所以企係台上,佢又帽又口罩咁,基本上可以話係包得好實,唔多睇得到佢個樣的.😑
果日個場好大,但因為有天幕,影相同片時,有d位都幾背光的,唔係咁好影.我好早就到場觀察下環境先,之後就等到阿廉嚟影相同入場,而好彩後嚟都有位fan入場一齊睇,活動開始前,阿廉都上咗兩次台影相,因為我要影片,就借了另一粉絲拍的相了.活動開始後,佢哋先係介紹下嚟緊的劇情,阿廉同美恩講到佢哋的劇情時,二人話會用d特別的方法,類似現代的某種方法去令無雙大肚的,於是我就想咁應該係借X生 仔啦,但點借呢,係最原 始的方法,定係好似現 代咁隔空抽取呢?前者好似係情感上講唔過去,但後者又好似太 誇 張失 實,太天馬行空了吧,我唸咗好耐,最後唸到唔會真係令大當家變番男 兒 身咁神 奇吧,不過反正呢套戲都係唔係正經 戲,有乜唔得呀!果排我唸咗好耐都唸唔到,就對大結局更加期待了.
之後佢哋開始玩遊戲,先係做瑜 伽動 作,因為分咗組,阿廉佢哋第二組先玩,其實我都好期待睇佢會玩成點的,點知第一組玩玩下,陳小姐叫咗粉絲們上台一齊做動作,然後愈嚟愈多人上台,場面有d失控,主持想阻止都阻唔到…就係咁佢哋玩咗好耐,其他人同第二組都無乜點玩,本來每組要做三個動作的,阿廉佢哋只係做咗一個動作,個活動就趕住完了,真係無 奈…😑之後第二個活動係叫佢哋玩穿花頭飾,因為比較靜態,佢哋係台上都係低住頭咁整,同觀眾無乜互動對話,所以比較悶,其實不如俾多d時間第一個動態的活動好過啦…因為我都影咗好耐片,隻手都舉到震晒,於是就想暫停一陣唔錄住,點知見到話張記憶卡錯誤,睇唔番成段30幾分鐘的片,果下真係激s我啦!
呢個整花活動完咗後,阿廉仲好細 心同好有風 度咁,主動走去幫同組的小妹除番個卡住咗的頭花,之後就係唱歌時間,好快成個活動就完了.今次又攞到阿廉親手派的紀念品,好鍾意呢把扇,兩面都印有阿廉佢哋的海報樣,整得好靚!之後我本來想搵阿廉上台影相的,因為上一次月頭的宣傳時,我就想影佢同海報中的山哥一齊的,一古一今,兩個阿廉會好特別,但上次見佢忙,又無叫到,今次好不容易夠胆叫了,點知個台上又勁多人,無辦法下,只好企係台前面影,佢都好落力咁攞埋海報上的動作影的,又相又片咁,但因為太遠了,個場又勁背光,仲要個台都好多人擋住,所以都影唔清海報上的佢,而真人的佢都影到背晒光咁好暗,就係片頭一開始果一小段,所以我都調光咗小小先放上嚟,可以睇得出阿廉擺的動作都好可 愛的!之後因為阿廉無訪問,所以好快佢都離場了,而我的任務都完成了,我覺得自己似個記 者多過似粉絲哈.😅唸返起之前同阿廉講嘢時,我唔係掛住準備器材影相,就係隔住個相機屏幕睇佢影佢,都無乜親眼望清佢真人咁,有d似人哋去旅遊淨係掛住影相打卡,都無時間用心好好欣賞一下風景咁,有d好浪 費的感覺,但如果叫我淨係用肉眼睇佢的話,我又好快會唔記得果種親眼睇到的感覺,又想有d相留念同慢慢回味,呢點真係好矛 盾!而果晚返到屋企打字時,我攞相機隻手都仲好痛,字都差d打唔到.) http://t.cn/A6oVXrFb