「李靜兒，我係唔會俾人蝦你嘅！」

咁多年嚟，拍過少少戲，拍過少少劇，
好好彩，遇過好多好好嘅女拍檔。

今次《美麗戰場》入面，同我最多對手戲嘅，
就係佢，Moon，劉佩玥。

我知道當初葉念琛話俾團隊知想搵我同佢做一對，
大家嘅反應係即時笑X咗出嚟嘅，
一個咁靚咁可愛嘅女仔，竟然要同我配對，
老實講，真係未必個個觀眾都可以接受到嘅，
所以我更加要俾心機，努力做好佢。

今次同Moon合作嗰兩三個月，
我可以好鄭重咁同大家講：

1. 佢係一個好好好專業嘅演員
2. 佢係一個好好好善良嘅女孩子

好開心可以同佢一齊為呢套劇帶嚟少少色彩，
亦好感恩佢唔介意成日要對住我呢個核突佬，
而我更加希望嘅係，喺今年TVB頒獎典禮，
佢可以攞到佢值得擁有嘅榮譽同肯定。

劉佩玥小姐，多謝你。

亦都多謝各位觀眾喜歡……….徐富貴 。