【葛珮帆 郭秀雲鸚鵡、大蛇、蜥蝪全接觸，呼籲大家愛護動物】

一向愛護動物嘅立法會議員葛珮帆EQ今日又去咗支持愛護動物嘅活動，就係由東九龍總區防止罪案辦公室主辦「動物全接觸嘉年華」，仲上台和同樣愛護動物嘅海峰環保郭秀雲分享立法保護動物嘅經驗。

郭秀雲話好多人養鸚鵡，但不知道有很多品種係瀕危物種，而店舖賣的鸚鵡愈來愈細，買咗返屋企都唔識養，好易養死。她又指出雀仔街衞生惡劣，又有老鼠，顧客可能買到有病毒既雀，應該監管店舖衞生情況。EQ就話而家保護動物嘅法例都冇包括鸚鵡，嚟緊政府有兩項同保護動物相關的法例會提出，一是禁止餵飼野生動物的法例，二是加強版的防止虐待動物條例，她會建議政府在法例上涵蓋保護更多動物。

EQ 又話好支持今日嘅活動，鼓勵咗市民同動物接觸，宣揚愛護動物嘅訊息，鼓勵市民養動物前諗清楚，因為係一生一世嘅承諾，現場亦有等待領養的狗狗，又乖又可愛，她認為政府應該多啲舉辦同類活動。EQ仲同好多動物好開心咁合照，有好多大大小小唔怕人嘅鸚鵡，包括鸚鵡中最大嘅藍色鸚鵡，亦有退休警犬、待領養的龜、好大嘅蛇、蜥蜴等，現場的大人和小朋友都非常之有愛心，又玩得很開心。