【牛雜】牛四胃：草肚/金錢肚/牛柏葉/牛沙瓜

牛，係最著名嘅反芻動物，因為牛有四個唔同嘅胃：瘤胃、網胃、重瓣胃、皺胃。呢四個胃，就係牛四胃嘅學術名稱了。

瘤胃，即係草肚，係牛嘅第一個胃。

第二個胃，叫網胃。學術上又叫蜂巢胃，顧名思義，即係呢個胃上面有一啲好似金錢狀嘅紋理組織，所以坊間約定俗成叫金錢肚。

第三個胃，學術上叫重瓣胃，係反芻動物嘅第三個胃，用嚟吸水同發酵，坊間俾咗個好易記嘅名佢，叫：牛百頁，俗稱牛柏葉。

第四個胃，冇前面三個胃咁為人熟悉，學術上叫皺胃，牛雜佬叫佢做沙瓜，又叫傘肚，或者傘托。點解？睇佢個樣，好似一把傘咁，仲要有埋個傘柄，所以就被人稱呼為牛傘托。佢係牛嘅第四個胃，用嚟分泌胃酸及消化酶，消化食物中的蛋白質和脂肪。瘤胃及蜂巢胃中寄生的微生物進入了皺胃，也會被消化成蛋白質，為動物提供更多的營養，擔任守尾門嘅重任。呢個胃，排最後，亦最細，所以好快賣完，因此坊間較難見到，亦解釋咗佢點解知名度咁低。