《1个浪浪的故事》🐕
以下故事有点长篇，希望大家花点时间阅读。

小黑 - 1只黑色流浪唐狗，依家已经成为金叵罗宠物用品店员。要知道小黑的出现系一个美丽的误会，而今次故事主角叫妹妹(又称小黄)。

1年前，沙头角禁区附近，出现咗小黑同妹妹，2个小朋友青梅竹马，我地怕搞出小生命，于是喺义工姨姨的帮忙下设置捕捉笼希望可以捉到妹妹去绝育。第2日，捕捉笼果然成功，但捉到系小黑，小黑以后就由一位辅警同事收养[抱一抱]

妹妹当时非常怕人，我地带走小黑的时候不停喺远处吠叫，而且妹妹非常聪明，捕捉笼完全发挥唔到作用，捕捉计划宣告暂停。暂停并唔代表放弃，呢1年时间多得地盘叔叔姨姨、我哋同事哥哥姐姐们持之以恒的照顾同喂食，令妹妹开始信任人，开始接受人，愿意俾人摸。 [太開心]

约半年前，妹妹首次怀孕，妹妹涉水喺禁区外的一个小岛诞下BB，可惜当时联络过有关部门都未能踏足小岛，最后我地去唔到，妹妹生产后三星期都再冇返去小岛，BB们最后被雨水潮涨影响下返晒彩虹桥😭。

半年后，就在2022年尾，妹妹喺发情季节下再次怀孕。但这次不同既系，各方都好想捉到妹妹亦希望阻止悲剧再次发生。1月6日，我喺地盘叔叔及船家的帮忙下，终于成功登岛，揾到收藏喺船下嘅BB，成功将3男3女小奶狗BB救出，而BB亦转交义工们悉心照顾中。 [羞嗒嗒]

昨日(1月9日)，喺同事协助下，我终于成功捉到妹妹，历时差不多1年的计划终于达成。妹妹第一晚去到辅警同事舖头，再次与小黑相遇，虽然有啲惊，但仍然好乖、好黏人，仲识要人摸🤭 今日妹妹会转交义工们手上，同BB一家团聚。 [鼓掌]

今天出现的大团圆结局，需要多谢各方有心人的帮忙，唔系地盘工友及有心同事哥哥姐姐的照顾，妹妹唔会信任人；唔系地盘叔叔主动联络船家，就唔可以去到禁区外小岛救小奶狗，唔系有心同事大家的坚持尝试，今日唔会捉到妹妹；唔系义工们的经验分享及帮忙，狗狗唔会得到照顾。所以话，其实人人都可以系义工。 [愛你]

第一季就大团圆结局，而第二季即将展开，BB们两个月𢓭会开放领养，如果有兴趣领养唐唐B，记得留意住我地的领养日呀🤗！

*欢迎分享妹妹的故事，令更多浪浪得到关注*

#其实写咁长都系想大家关注多啲浪浪
#想带出其实社会上有好多有心人
#大家对浪浪无条件付出都系希望生命得到爱护
#支持领养
#我地会继续分享妹妹同BB的日常
@飯聚現場
@李高高