#陈奕迅[超话]##陈奕迅fearanddreams# @陳奕迅所長 演唱會｜27場表演順利完結
陳奕迅事隔9年之後再盈紅館舉行嘅27場演唱會，14號圓滿結束，太太 徐濠縈 同囡囡陳康堤繼續喺台下支持之外，Eason爸爸 陳裘大 呢晚亦都係座上客，唔少圈中人亦都趕搭尾班車入場欣賞。 而現場觀眾去到Eason唱出《天下無雙》時，亦同時驚喜舉行Banner打氣，令佢非常感動。到Encore時Eason亦趁最後一晚連唱5首歌，就連演唱會音樂總監 Jerald陳哲廬 亦都現身同Eason唱返幾句《暴殄天物》。 呢晚Eason亦趁表演期間以《單車》同《大個女》歌聲獻俾父母同囡囡，康堤仲邊聽邊感動落淚，之後Eason又話以《單車》送予無私為大家努力嘅上一代同父母。 事後Eason接受傳媒訪問，就提到27場表演期間聲帶曾一度不適，不過好彩最後冇大礙。至於問到會唔會再挑戰更多場次，佢就即刻耍手擰頭話唔好，話冇可能為數字而挑戰，仲話當年學友連續38場嘅數字簡直係嚇人呀。 之前因為擔心感染令表演中斷，Eason同樂手、舞者等都有好大壓力，直到完騷先好好擁抱。而每晚Encore環節唱出最有紀念性嘅27首歌曲，Eason仲話非常感恩，仲當係慶祝自己入行27周年嘅禮物，歡迎大家上網重溫咁話呀。休息過後，大約4月佢就會展開巡迴，將會到新加坡、馬來西亞、中国台湾等地開騷。 ——————————————————————— Eason向父母妻女示愛 唱《大個女》搞喊康堤 陳奕迅（Eason）27場紅館演唱會圓滿落幕，他感恩喉嚨不適仍能完成任務，在台上高呼「我愛爸爸媽媽，不過我都愛老婆同個女！」更以一曲當年寫給愛女康堤的《大個女》搞喊對方，而Eason亦被觀眾的大合唱和高舉的手幅感動到兩度落淚。 尾場演唱會中，當歌迷舉起印有他樣子的「多謝你」手幅時，Eason竟搞笑認錯是鄭欣宜，而眼見歌迷如此有心，他亦不禁大叫三聲：「Oh my gosh！多謝你哋，好震撼，好想拍低佢！」加上全場兩度大合唱《天下無雙》，Eason再次被感動到眼紅紅，更向觀眾90度鞠躬致謝，並在台上跪謝背後的 樂隊。 Encore環節中，Eason共唱了6首歌，更早已安排好唱出當年寫給康堤的《大個女》，搞到女兒感動落淚。Eason又謂不知甚麼時候喜歡了「傳承」這兩個字，在演唱《單車》前，他指因有上一代才能讓大家得到如此好條件的生活，故將此歌獻給辛苦工作的上一代，更高呼「我愛爸爸媽媽，不過我都愛老婆同個女！」而他亦不忘向音樂人致敬，並指若沒有他們，演唱會就會變成 「Talk show」。 坦言擔心衰收尾 受訪時Eason表示，好感動可以完成今次演唱會，皆因前幾天喉嚨腫得很厲害：「我今朝仲驚緊，尋晚瞓唔到，今朝七點先瞓，好在瞓得好，之前都擔心衰收尾，人大咗好容易喊！」他指完成個唱後將休息個多月，稍後便開始做巡迴演唱會。提到他演出時自爆腳腫，Eason表示因減磅太快，導致沒有脂肪支撐膝蓋，雖然演出時腳部仍酸痛，但上台後腎上腺飆升便忘記腳痛。至於為了做好防疫工作而住在酒店個多月的Eason，笑指已住慣了，可能會住到不想 回家。