[新闻] 2023.05.14 HK01
李克勤相隔6年紅館開騷　兩子極罕撐場一個斯文一個金毛反差大

李克勤相隔六年終在港開騷，7場的「弦續李克勤‧港樂演唱會」今晚（13/5）假紅館正式開鑼，大量圈中人包括成龍、劉德華、張學友、張敬軒、周慧敏、謝霆鋒、楊千嬅、草蜢、陳慧嫻，炎明熹等均有送上花籃祝賀，而除楊受成夫婦、Gin Lee、泳兒到場睇騷外，克勤太太盧淑儀更激罕帶兩個囝囝、15歲大仔李立仁（Ryan）和13歲細子李力司（Rex）現身支持爸爸，大仔Ryan戴住金絲眼鏡、身穿白色T恤，比較斯文；而低頭睇電話的細仔Rex就染了一頭金髮，身穿紅色Sharp醒外套，連口罩都襯埋色，兩兄弟形象反差好大。

演唱會於晚上8時25分正式開騷，李克勤以一身紅色西裝出場，在香港管弦樂團的伴奏下，一連唱出《一個人飛》、《兩人行》，《一千零一夜》等歌曲為個唱揭開序幕。及後，克勤分別向山頂、山腰及山腳的觀眾打招呼，又直言「想享受下事隔6年嘅掌聲同歡呼聲」，全場尖叫聲四起。當克勤問「有幾多人係第一次睇我嘅演唱會」時，不少觀眾立即興奮舉手，他笑言：「老細，睇下我幾多新客，定係你哋買錯飛？我完全冇問題，你鍾意邊個都好，買飛就得㗎啦」。當克勤走近觀眾席時，樂迷更送上利是，他搞笑說是中國人的美德。
李克勤闊別6年再登紅館開騷　盧淑儀罕帶兩子撐場

2023.05.14 HK01
李克勤唱《玻璃之情》重提與張國榮唱K回憶　感性答謝樂迷支持

李克勤7場的「弦續李克勤‧港樂演唱會」紅館騷昨晚（13/5）正式開鑼，曾任兩屆《中國好聲音》導師的他邀請了冠軍人馬伍珂玥和梁玉瑩擔任嘉賓，他們分別合唱出《刻不容緩》及《合久必婚》等歌曲。兩位學員表現興奮，直言很榮幸能擔任克勤的演唱會嘉賓。

克勤隨後唱出哥哥張國榮的作品《玻璃之情》，亦勾起他與哥哥一同唱K的回憶：「佢同我講《大會堂演奏廳》唔使咁唱，學咗啲嘢，獲益良多。」他解釋揀這首歌的原因，除了是因為很喜歡哥哥外，亦很喜歡當中的曲和詞。演唱會又點少得大合唱環節，克勤還充當指揮帶領四面觀眾唱出《紅日》，場面溫馨又搞笑。

去到Encore部份，克勤坦言過去數年在香港的時間不多，自己亦曾猶豫到底應不應該開今次的演唱會：「香港樂壇日日唔同…2001年做過一次管弦樂團演唱會，二十幾年後再做，花嘅時間唔會比正常演唱會少…」他又解釋因管弦樂團晚上11時便要收工，所以演唱會完結得有點倉猝。為了報答樂迷的熱情，克勤最後送上《誰願分手》和《深深深》為演唱會劃上句號，他感性表示：「好珍惜每場演唱會，會記得你哋每人每一下嘅掌聲同歡呼聲。多謝你哋，令到我好開心、好難忘。」

#弦续李克勤‧港乐演唱会#

#李克勤[超话]#