一代粵語片小生兼配音員張英才今日（14日）傳出死訊，享年88歲。🙏🙏🙏

網上有人留言「88歲的張英才今天下午在老人院孤獨離世，沒有親人陪伴，才哥一路好走！永遠懷念！」而資深配音員丁羽已證實張英才死訊，他指與張英才相識超過60載，是今日收到朋友通知，得悉張英才的死訊，他謂：「我朋友通知我，話才仔（張英才）下午走咗喇，佢以前住東涌，我哋都有聯絡，但自從一、兩年前佢入咗老人院就冇再聯繫，佢都唔願出嚟。」丁羽指張英才對朋友非常之好，但永遠報喜不報憂，好多不開心的事都只會放在心上，不會向人多說。

張英才早年跟前妻離婚，歌手車婉婉一直沒有認張英才是其父親，東網致電車婉婉，她透過助手表示：「冇回應。」至於張英才好友胡楓表示不知情，對於張英才傳死訊，他大感愕然：「唉...好突然，佢好內向、內斂，所以自從佢冇拍戲之後，大家都冇乜聯絡，以前同佢合作，佢係一個好好先生嚟，聽到呢啲消息，當然難過同埋好惋惜。」

好友薛家燕表示：「哎呀，我都唔知，當然難過。粵語片合作好多，拍劇都有合作，近幾年就冇見佢，之前想話約埋修哥、曾江一齊聚會，但都約唔到佢。喺無綫有個節目《家燕姐全民皆Friend 60年》想請才哥出嚟傾偈，但係都聯絡唔到佢。唉，當然難過，都識咗咁多年，年紀大健康都一定有啲問題，好多時都同啲朋友講多啲聚聚，珍惜相處時間，今日唔知聽日事，希望佢屋企人節哀順變。」而曾與張合作的姜大偉回覆：「R.I.P.」[蠟燭][蠟燭][蠟燭]🙏🙏🙏