劉松仁配布袋天衣無縫!

劉松仁呢份人都幾得意，見親佢，梗無話西装畢挺嘅，剰係T恤，牛仔褲一度，呢樣都未算奇，奇就奇在佢隨身嘅手袋梗係布袋嚟啫!
佢有時帶嘅係軍布袋，有時係孭背款嘅，形形式式，多過我地女人手袋。都唔知佢除咗拍戲之外，係唔係另外又開布袋廠呢?唔係梗係佢好喜歡收藏布袋㗎啦!
「妳知乜呀~平時返工，隨随便便咪得囉，使乜咁滋整啫，牛仔褲，T恤最方便又舒服!至於我用布袋上陣，連妳八妹仔都留意到，即係證明我個袋有型有款。」松仔「依」起佢個副兎仔牙,半帶笑地說，佢笑起上嚟都幾够吸引力㗎!
「乜有型有款啫，我留意你只不過覺得你好似鄕下佬出城之嘛，咪係處亂監我食死貓得唔得。」八妹仔眞係唔抵得佢自說自話， 幾大激吓佢。
「咪係度口唔對心啦，八妹仔，我知㗎，妳仰慕咗我好耐㗎啦，我喺公司嘅一舉一動妳都清楚哂啦。」睇松仔眞衰，居然係度激小妹妹，好，我唔喊，幾大同你鬥講過。
「我睇你面皮都有幾丈咁厚，平時你對我唔瞅唔睬，我見到你好嬲就真。」
「我而家同妳咪幾老友，有傾有講，氣氛幾融洽呀！八妹仔，妳要原諒我，我有時拍戲拍到暈，曚查查，見到妳都睇唔到，而家咪同妳講嘢囉，妳又嬲!」松仔見到我鼓埋泡氣，當堂買我怕。
「話畀妳聽點解我鍾意用布袋啦，因爲布袋比较大，可以装多D嘢，最重要的就係因爲佢比較適合我隨隨便便嘅款，我地一襯起上嚟，天衣無縫㗎!」唉，眞無佢收，咁自大，平時眞係睇唔出喎。@劉松仁Damian