艺人专访丨黄庭锋升男一《OPM》播放无期 认“地狱黑仔王”：怕被大家遗忘

黄庭锋外表俊朗，加入TVB火速备受力捧，更一度“升呢”男主角演出剧集《OPM》，可惜剧集3年前早已拍摄完毕，但迟迟未有播出日期。去年沉寂一段时间，连朋友都为他的星途忧心，表面是阳光男孩的庭锋坦言难免会有迷惘的感觉，直至《妳不是她》播出，再次获得观众的认同和支持，希望做好自己，静待更多机会准备全力冲刺。

庭锋在剧集《妳不是她》中饰演花弗健身教练Man，一直被观众误会他意图“勾义嫂”，实质上是他先认识夏莉（冯盈盈饰），反而是好兄弟林信（丁子朗饰）夺去所爱，他表示：“角色本身人设系超级花弗，成日落酒吧，起初谂起都觉得几好㖞，可以试下唔同生活，其实阿Man有好多唔当系女朋友嘅女朋友，但其实个心超级孤单，佢个心其实得一个就系冯盈盈。”

现实生活中，他表示自己绝对不会“勾义嫂”，只要是朋友的另一半，就已经断绝交往的念头，但原来他都被老友抢走过女朋友，“有试过，仲要系阴啲阴啲嗰种，过程系唔知嘅，我当然有介绍佢哋互相认识，但唔知佢哋私下系朋友，我同呢个女友分开之后，隔咗冇耐就知佢哋一齐咗喇！好大打击，呢种感觉系系成件事被人出卖咁，唔识嘅反而冇所谓，大家认识咁耐，啲信任去咗边？”他表示将自己经历代入角色，虽然一直以来付出都好蠢，但不会跳入越轨的界线之中。

今次《妳不是她》起用年轻演员，庭锋获安排有一定的戏份，不过论发挥，总不及早前《OPM》男主角多。《OPM》原本正式升呢男一地位，理应平步青云，可惜该剧成为“仓底货”，拍毕三年都未有任何播放的消息，如今却回到男配角的位置，问到是否“地狱黑仔王”？庭锋笑笑口说：“呢一行冇话做完咩之后就一定坐得稳，就算《OPM》播完，我都可能变番男二。我当然好想播出，希望大家睇到我系咪有能力去做好呢个岗位。坦白讲，如果我话黑仔，好多人就话你中完台庆大奖仲嗌黑？好运完之后要还呀！幸好今次《妳不是她》呢个角色，观众反应唔错，好多人讨论，话我同冯盈盈做CP都唔错，咁证明大家睇得投入。”

TVB早年男主角大部分都是“熟男”，近几年突然转捧年轻男演员撑住主角局面，现年35岁的庭锋夹在中间，心态会否比较心急，在事业上创出一番成就？他说：“冇得唔急，系风气要急，好似上年我事业上比较静，好多等候嘅时间，我同班小学同学食饭，佢哋好担心我问：『点解你冇晒声气？』我都唔知点答，步伐系咪要加快呢？我觉得我好多嘢控制唔到，难免有少少气馁，不断自问系咪真系适合呢？上年咁少出现，真系好怕容易被人遗忘。”

庭锋坦言有主动向不同监制“敲门”，希望主动争取演出机会，“我最想有一套戏系外型好似变另一个人咁，挑战一下自己。积极啲谂，唯一可以控制到嘅系我自己嘅演出，心态上准备好做男一，明白好多嘢要进步，希望可以喺剧集上向前辈学习。”