濠玩夏水礼丨王嘉慧瞓身“凸”围　黄婧灵趷箩让赛

艺人林盛斌、周志康，金刚率领靓女们林钰洧、梁超怡、陈婉衡、黄婧灵（波波）、王嘉慧、余思霆等，齐齐到澳门为新一辑《濠玩夏水礼》节目录影，向来身材好的余思霆、王嘉慧、陈婉衡穿三点上场，谷胸晒腿够晒养眼，波波就“让赛”以一件头泳衣示人，相当嘥料。

众演员虽然经过一连多日的拍摄，拍摄期间遭遇落大雨，但拍摄亦相当顺利。余思霆与王嘉慧分别穿着比坚尼谷胸上场，王嘉慧红色水着更是非常抢镜。余思霆昨日受访时谓：“我上年都有嚟拍下水礼，今年系第二年，自己本身好锺意玩游戏，自己都有少少叻，所以都玩得好投入好开心。同埋我同金刚一Team，我同佢好Friend，玩起上嚟大家玩得好癫，波波又好得意，好似小妹妹咁，所以我哋就好似一班朋友自己去玩咁，好搞笑。”

至于收起性感以一件头密实泳衣上阵的波波则笑言：“夏天流流长，我留前斗后慢慢嚟，仲有咁多个月。（咁密实惊畀人话成日晒嘢？）点会惊畀人话呢！做得呢行预咗畀人讨论，所以都冇乜嘢。”说到她下围都甚有睇头时，她谓：“个Pat Pat我专登练嘅，都练咗年几，自己都有Keep住做瑜伽同做Gym，都有戒口嘅，但唔系好清。”首次玩水上游戏节目的王嘉慧坦言初体验，出发前已好紧张，她谓：“因为有Bob、金刚出名搞笑好期待。亦有担心玩水湿身会素颜示人，同埋话要玩刺激机动游戏，自己比较细胆，都惊惊。”说到穿泳衣拍摄事前是否食少啲Keep Fit时，她笑言：“嚟到因为玩游戏要体力，加上好食好住，反而食多咗。”