#古天乐[超话]#
2024.6.25
足本訪問：古天樂會再謝票谷《城寨》🔥 要贏《毒舌》做票房冠軍🥇 因新戲暴瘦逾十磅 👱‍♂️ 任賢齊建議喺紅館齊跳《今期流行》🕺🏻 鼓勵四少出碟 胡子彤跟住林峯唱歌唔緊張🎶 張文傑俾女抽水都唔知？ ｜Viu1 現場實況

古天樂、任賢齊同埋「城寨三少」林峯、胡子彤、German張文傑，現身澳門為新戲院開幕禮擔任嘉賓！講到《九龍城寨之圍城》尚欠幾百萬票房就登頂，超越《毒舌大狀》成為華語票房No.1，古天樂話會再去謝票盡力谷，更預告城寨隊員之後會去韓國釜山影展，惟佢要開戲未能同行！古天樂又透露新戲打到飛起，喺室內零冷氣下乾煎暴瘦10幾磅！

《城寨》的前傳《龍頭》及續集《終章》預計同步開拍以減輕成本問題，古天樂稱為配合戲內、戲外「傳承」主旨，望加入大量新人參演！小齊話想喺紅館開城寨演唱會，齊齊跳《今期流行》，古天樂又點睇？另外，對被昔日生意夥伴唐才智入稟香港高等法院追討欠款830萬，古天樂即話趕入場而放低咪牌未有回應，事後再表示事件已交由律師處理，暫不評論。

啱啱過58歲生日嘅小齊，難得撞正喺成都開騷同fans一齊過，壽星公出手闊綽，反送金卡片畀幸運嘅fans，呢個偶像認真唔話得！城寨三少近日上內地節目唱電影插曲《風的形狀》，大獲好評，少開金口嘅胡子彤話有兩位師兄睇住一啲都唔緊張，小齊即鼓勵佢哋出碟添！

電影成全城熱話，帶動多位主演人氣再急升，近期成日孖住出event，係咪豬籠入水？German日前單拖謝票被女fans圍兼冧叫「老公」，仲有人係咁摸佢抽晒水，當下心肝仔有冇卜卜跳？ http://t.cn/A6Q67vtS