网传炎明熹不续约被指忘本？ 吴家乐为其抱不平

梁思浩和吴家乐在节目上谈及此事，吴家乐为炎明熹抱不平，认为人望高处实属正常，「首先，炎明熹有冇违反咗合约精神先？炎明熹係喺合约期间履行晒佢嘅责任，咁合约完咗之后，人望高处。你又唔知道呢间公司畀啲乜嘢Offer佢，同埋諗住当初要捧佢，或者将来有一个乜嘢嘅发展嘅话，係咪应该一早就要倾，点会畀佢一路做嘢继续拖，拖到埋尾先至话倾唔掂呢？呢个就係一班幕后工作人员嘅责任。」

吴家乐续说︰「如果你嘅条件係符合佢要求，好老实讲，一个妹妹仔，佢都去到呢个位嘅时候，梗係希望再远啲啦，同玩游戏一样，唔係奖金就係奖品，你其中一样多啲，佢咪会留低咯，同埋可能人哋出面嘅Offer都好多呢，机会大好多呢，我觉得唔係忘唔忘本！」

吴家乐说︰「去到呢一个階段，唔好讲咩忘唔忘本先，你畀咩条件人先？老实讲，我哋当初，又话个市道唔好、共渡时艰，又话无言感激，我諗好多艺人都知道我讲紧咩。喂，我哋唔係一起同你共渡时艰咩？到最后有几多个艺人係被人哋默默咁放走咗，转行揸的士，约又唔同你倾？呢啲人，你又唔同佢讲『你哋都唔係忘本嘅人㖞， TVB继续养你啦』又唔见你咁讲？唔好你觉得佢值钱有利用价值，就话人哋唔留低係忘本。有几多人黯然咁离开咗呢间公司？当然，我唔係因为我离开咗，所以咁讲。某程度上，我觉得要两面睇，如果佢违约佢唔啱；如果你畀个条件好过出面，你估佢留唔留低呀？」直言Gigi值得拥有更好的续约条件。 http://t.cn/A6QpWoxa