娱乐新闻丨《武林》剧组开心举行煞科宴 周嘉洛难忘同吴伟豪瞓足19晚

周嘉洛、吴伟豪、高海宁、黄智贤、谢嘉怡、黄子恆、吴子冲等主演嘅TVB奇幻动作剧《武林》，经过近半年拍摄终于煞科，呢日众演员同台前幕后喺煞科宴上分享拍摄经过，监制陈维冠同时宣布，佢嘅黄金拍档导演高佬锺国强完成呢套剧后正式荣休，众人齐齐祝愿佢退休后嘅人生可以过得更精彩。

剧集之前去到台湾取景拍摄，嘉洛同Ricco呢对鬼马兄弟因为日对夜对，感情大跃进，佢哋同房瞓咗19晚，嘉洛搞笑话，估唔到同男仔瞓都可以咁好玩。而且佢哋喺剧中仲有裸跑戏份，大家一定要好好期待。

有份裸跑嘅仲有56岁嘅阿Ben，而佢嘅状态绝对唔会输俾一班后生仔，阿Ben话自己入行几十年，从来冇拍过咁嘅戏份，最尴尬嘅係仲要俾对手高Ling近距离咁望住添。

高ling早前特登到内地进修演技，并大晒毕业证书，分享难忘历程，佢话好开心可以识到一班同学，而最难忘嘅经历就係要毫无保留咁将自己摊开，不过亦因此有好大得著。

话明套戏讲武林，剧中几乎各路门派嘅功夫都会出现，耍太极嘅马海伦就试过耍足十几个钟太极，结果收工后揸车时脚抽筋，估唔到蒋祖曼都要相同经历，好彩大家都有惊无险。 http://t.cn/A68Mx6bt