因為我是我，被你們關顧著的我。
我係北海道的時候，發過一次，我買到一隻好好吃的提子啫哩，我當時寫「我要大媽掃廁所板咁掃番來。」
結果買完個杯之後，行勻每間便利店都無了。
跟住有個係澳門做嘢的蕃薯，自此佢時常一番大陸，就寄佢係澳門掃到的各種口味比我。
其實佢明明見到我寫我準備掃一round番屋的「只係我無寫，最後我買唔到」

每次都沈甸甸一袋，時常有佢親手做的手工小玩意。
呢四五年來的口罩，都係佢包辦。每次我都覺得滿滿的安全感，因為大陸買唔到呢種質量的口罩。
睇到佢d字條，更令我聯想番二旺講的，呢個蕃薯有加入佢地的義工組織，平時佢幫二旺有備課件，做筆記，都係非常認真列好細節。
二旺話好驚嘆佢的條理同認真程度。
其實平時好多新娘煮都會好有心，買好多好得意好靚好暖心的禮物比我，我都無放出來，係我怕對其他人造成壓力。但係每次我都會好感動。
今次想提呢件事，好想公開感恩呢一切之餘，琴晚，凌晨四點無法入睡，k問我係未訓定訓醒，呢個鐘數幸有佢一直陪我盡訴社會民生。因為佢係澳洲。
每日都有好多蕃薯發投d案我睇，因為我之前就發過，我發現了並且打搖搖🔔，但係被🐍寸番我轉頭，叫我搬去個高大上的地方，呢度咁cheap唔啱我。
K同我講了好多感受，我話佢之前無太義憤填膺同我表達佢的感受，所以我唔知道原來佢同我一樣嬲。
佢話佢用行動表誠意了。
佢的行動就係，前年突然一下子用兩個月考了個雅思移民走左了。
呢家我地每日隔空繼續探討時事，而佢會用番目前讀緊的社工系同我講番外面的福利，
比如，就算癡脷筋都會視作殘障，每年可申請高達百萬rmb補助，
地鐵如果無安裝電梯，會被控告為歧視殘障人。
普通公園有比殘疾人玩的千秋。
佢發我睇佢去游水，其中一個泳池，有一個斜坡， 係可以坐住輪椅緩緩落到泳池裡面的。
殘障人同樣有獲得普通人的權利同盡可能相同的生活。
佢讀書之餘，係智障人士工場做partime，佢覺得裡面的人好可愛。
仲有人同動物的生活共融，d動物係睇住悉尼大橋同大海享受日光浴的，仲有對弱勢群體的具體幫助。

令我覺得，世界依然正常的，我都係正常的。我只係行錯地方。
如果我係外面，唔需要憤怒，唔需要抗爭，唔需要為殘障弱勢發聲，唔需要為保護動物立法而不斷寫信申訴。個個都比我做得更好，更多。路人見到唔啱的事，都會紛紛指責。
已經有健全的體系同法治去懲罰呢種人。
經歷呢幾年，我已經無法用禽獸去形容人。
人的惡，已經到達了地球頂端了。
如果第日有一種動物特別壞，我會形容佢「衰到人咁了」

係呢度發聲，堅持正義的事，會被看作唔正常。
就比如前幾日個男生公開鬧學校有錢搞安娜草堂，無錢搞宿舍。
校方回應，目前學校提供了心理幫助比個男生。
係一個發聲無用的地方，勇敢發聲就會被看作心理有問題，需要心理輔導的係發聲的人，唔係做錯的人。
當社會的人都話1+1等於3.妳話等於2.你就成為異類了。
佢地仲有詭異的目光望住講真話的你。
其實魯迅係現代都被抓入精神病院終身監禁了，係言論還算自由的年代，魯迅的文章入教材。
而呢家，教人覺醒的魯迅，文章又逐漸被淡出教材了。
如我實在無法改變呢度，我希望有一日，我可以離開呢度，去一個正常適合自己的社會。
尊重角運。
我知道好多人好愛呢片土地，各有所需。
我錯在睇得太多美少女戰士，睇卡通從細洗腦我，維護正義，警惡懲奸，導致我相信社會係必須主張正義的。
💊狗，虐狗，偷狗，吃狗，各種食品安全，販賣個人資料，電動雞周圍撞人，唔捉。
但係有d人，爬🪜都要捉。
顛倒黑白。
我永遠無法忘記當我去舉報投💊，對方個副嘴臉。
明明係我地每個人辛苦工作，納稅養佢的。

我日常會不斷懷疑自己，又肯定自己，週而復始。
每當人地勸說：你唔好太上心，自己辛苦。

但我控制唔到自己，
如果我唔去發聲，其他人更加唔可能發聲。
社會的惡果
其實傷害到的終究都係自己。
廣州人，睇睇呢家條路變成乜嘢樣！
舉步維艱！
之所以大家今日能夠有12345呢種熱線，係前人不斷抗爭番來的。
唔係有班人自己領悟要監督自己而搞出來的。所以無人有資格去笑發聲的人，
佢地只係坐享其成的一員。
好多人自己唔勇敢，
卻指責呢班為社會前行的人。

其實懷疑自己占左大多數時間，所以每當有蕃薯，新娘，同學，提醒我，佢地時常比溫暖我之際，我又會肯定番自己。
所以我要感謝一路以來一直都比鼓舞自己的好多人。
呢條路係呢個社會好孤立無援