#郑伊健[超话]# 今年年初，聽到行內人話唔多戲開，好替香港電影擔心。
去到2024年12月，其實今年又睇咗幾多好嘅港產片噃！學「久別重逢」導演梁禮彥話齋，香港觀眾接受到嘅戲種越嚟越多越嚟越闊，佢講嘅時候充滿信心同希望，感染埋我。
一速兩日都好有眼福，睇咗兩齣好戲，唔係盲撐，絕對值得捧場，好為香港電影驕傲。兩齣戲我都必定會再帶我個仔去睇。
「得寵先生」好有愛，蛋哥鄭丹瑞從影以來嘅代表作，好想同佢做個訪問，完全唔係咁多年來喺螢幕見到嘅佢。啲狗狗都超級好戲，唔劇透喇，真係有好多狗狗。有啲場景（尤其是最後）好有寓意，總之我愛香港。
「久別重逢」，真心好好睇，色tone、攝影、各位演員嘅演技同魅力、音樂、故事，全部都好正好美好聽好動人。本來想形容多啲，但係都係留俾大家自己去睇去感受吓啦！
另外，留意電影歌曲16號推出。 [色]
電影久別重逢
梁禮彥導演第一齣電影就拍得咁好
監製葉偉信彭玉琳係最佳組合咁多年都咁有心咁用心睇得出做咗好多功夫
攝影好美角度超正
陳光榮配樂好好聽
鄭伊健其實好好戲唔係講笑
Ian陳卓賢原來唔係淨係作得唱得仲演得
蔡思韵演技毋庸置疑
好鍾意Natalie許恩怡
許欣怡好搶鏡
睇完會搵返青春同希望
電影得寵先生
鄭丹瑞從影以來代表作
啲狗狗全部都好好戲好叻叻
香港電影好令人驕傲
支持香港電影#郑伊健##久别重逢#