2024年12月31日，人在北京巡演舞台劇《天下第一樓》。
從香港到深圳，再到佛山、飛蘇州然後到了北京。下個禮拜會到上海然後再回香港。
今年是很特別的一年，膽粗粗做咗好多以前未做過嘅嘢。除咗拍電影電視做舞台劇之外，仲監制和演出了電視劇《光明大押》；策劃了真人騷《選角》；開設演技大師班當老師；又在HKUSPACE 做一個學生，報讀攝影課程（為期10個月，而家仲未上完，因為要巡演舞台劇，所以呢幾堂曠課了）
一年之內不停切換各種身份，係有啲攰，但係都樂在其中。過程中有啲做得好，有啲仲可以改進。因為太辛苦，所以曾經都有諗過不如放棄吧啦，但回心一諗，無論係點樣，件事做咗就係做咗。能夠完成已經很好，我週時同選角嘅學員講，只要你唔放棄，我都唔會放棄。所以我唔可以有口話人冇口話自己。教學相長就係咁嘅意思，我教佢哋，亦都係教緊我自己。
我很感恩有這樣的一個機會，也很感恩所有參與在裏面的朋友。一年內得到五湖四海各方朋友的信任及參與，實在係萬分感激。有什麼地方不週到的，請多多包涵。
希望來年我們繼續前行。祝大家新年快樂， 2025諸事皆順！但行好事，莫問前程。互勉！