回鄉。

老爸方生喺佛山出生，阿爺早逝，十幾歲嘅方生隻身來香港打工，寄錢返鄉下養活嫲嫲及三個妹妹。佛山對老爸來講，非常有感情。

我哋細個經常返來玩，住喺筷子路祖屋（而家好似變成揮春街？），當年仲係燒煤煮飯，煲水沖涼，好有風味。返親來，嫲嫲一定買牛乳俾我哋做宵夜，嗰種香濃味道我仲好記得🐮🐮🐮。

自從嫲嫲20年前過身後，我哋好少返來了。一別多年，今次我再返來，成個佛山唔同晒！昨日淨係行嶺南天地已經用咗大半日，呢度保育舊建築同時，加入潮流元素，例如李眾勝堂保濟丸舊址已變成Cafe，咖啡口味幾搞嘢：蔥油雞咖啡🐔☕️，味道幾有趣！

仲有富有人家住嘅東華里，原來啱啱完成復修，有幸未向公眾開放前有得參觀。昔日大宅嘅韻味得以保留之餘，聽聞呢度明年計劃舉辦沉浸式表演，演員帶觀眾喺唔同大老講唔同故事，個idea幾正，好期待！

#瑞安集團# http://t.cn/RJP0eus