幫老爸尋根🏠🏠🏠。

上回講到老爸方生喺佛山出世，同黃飛鴻及葉問係同鄉🤭🤭🤭，自小住喺筷子路附近嘅筷子新街。但祖屋一帶已經很破舊，多年前居民已搬走，等待修繕。

我超過20年冇返來，今次咁啱行程中有筷子路，所以把握機會幫老爸尋根。一落車，唔太相信自己眼睛，因為以前冇乜人嘅筷子路，搖身一變成為「揮春街」，農曆新年前夕旺過花市。

我對呢度印象有啲模糊，只記得大街對面有個公廁，轉入去就係祖屋。但係入口呢？啲路好似Harry Potter咁，上地圖，搵唔到。最後要出絕招，打俾方生視像人肉地圖。轉左、轉右、退後、唔係…、直去，轉左，終於搵到啦！祖屋保存當年三層高連兩個露台模樣，從高位門隙拍到地下客廳模樣，嫲嫲就係喺呢度抱住我玩，亦喺呢度送別佢。希望呢度好似東華里咁保育，keep住我的童年回憶👧🏻👧🏻👧🏻。

以前返來經常去祖廟，今次舊地重臨，別有一番景象。

#瑞安集團# http://t.cn/A63v1chP http://t.cn/A63v1xY2