訪問/林家謙、洪嘉豪、陳健安
#回忆夜游#

2025拉闊頭炮一林家謙x洪嘉豪x陳健安
林家her自薦唱女聲 傷感談啟蒙老師方大同離世腰力王On仔預告用上半身跳鈣質舞院長愧對軒公未能完成課程？澄清小路唔讓校巴屬誤會

2025年首場拉闊音樂會嘅主角就係林家謙、洪嘉豪、「On仔」陳健安，三子組隊演唱詞人Oscar 之作！其中家謙唱拉闊嘅經驗最豐富，佢笑話計埋呢round，三次都係拍住男歌手，所以佢提議可以男扮女聲補下啲陰氣，仲唔介意自薦做「林家her」添！才子果然有啲計仔，咁唔知喺歌衫上又使唔使加啲女性化元素？

對比起On仔有9成歌都係 Oscar 之作，Kaho透露同Oscar 喺音樂上僅合作過一次，勁沾沾咁話好榮幸可以參與其中！林家her跟手預告到時會加插戲劇元素，佢哋更爆初步排好咗個歌list，準備5月唱爆亞博！至於三子會唔會大跳「鈣質舞」？點樣分上、下半part咁跳？聽完堅係會笑爆嘴！

Kaho 三度擔任「地球一小時」大使，最近釋出嘅一條英文version 嘅宣傳片成熱話，自稱英文 Good GoodGood 嘅Kaho怕醜mode話大家其實係欣賞lan嘅流利英文啫，佢就保持香港特色口音！

講到院長應該讀完軒公送嘅 online 音樂課程，成績如何？點知佢用「愧對」二字做總結，到底發生了甚麼事？院長亦有就日前被網民指小路出大路唔讓校巴呢單car accident回應，表示實屬誤會，at the same time仲還原當時情況，並最後跟受影響單位講聲唔好意思。

另外，音樂才子方大同上月尾因病離世，震驚中港台樂壇，三子均表示痛失才子好可惜，On仔謂會用方式好好掛住方大同，林家謙更指方大同係佢創作路上嘅啟蒙老師，難以接受對方離開。

cr yfb viu1hk

http://t.cn/A6Bv4B2F