想湊埋寫，最後都係覺得分開個帖好一點！

睇見意大利球隊「爭氣」，心情都豁然開朗。費倫天拿晉級協會聯賽四強，第二回合嘅比賽過程同實力都相當接近，施捷俾到唔少壓力佢哋，能夠和波晉級確實唔輕鬆。

首回合贏2粒嘅貝迪斯，次回合作客相對地收一收。主隊嘅查基朗尼亞半場結束前得到一次收窄比數嘅機會，可惜被VAR判定越位在先。巴甘堡係貝迪斯本場最活躍嘅一位，賽事打開僵局嘅入波都係來自呢位剛果嘅射手。主隊有卓連路夫火速追和亦無補於事，貝迪斯準決賽將會對陣費倫天拿。

首回合領先3粒嘅車路士，本場非全主力出戰當調整，輸1-2都可以接受。留力週末作客富咸嘅英超聯賽事，似乎先係佢哋嘅真正目的。準決賽對手會係擊敗維也納迅速嘅瑞典球會佐加頓斯，目前排聯賽第12位，不過佢哋非跨年聯賽賽制，即係啱啱先來到開季嘅第三週賽事，狀態都係啱啱起頭。但若倫牌面實力，車路士固然會高一班，靜觀屆時臨場發揮如何。

費倫天拿若要登頂，將肯定遭遇重重險阻…

歐洲協會聯賽1/4次回合賽事賽果：
查基朗尼亞1-1 皇家貝迪斯
費倫天拿2-2 施捷
維也納迅速1-2 佐加頓斯
車路士1-2 歷基亞

#UEFA Conference League#