經典回眸- 1999洲際國家盃 德國0-4 巴西 🇩🇪🇧🇷

新科（1999年）南美洲冠軍面對1996年歐洲國家盃冠軍，處於重建時期並且國內足球局勢動蕩期嘅德國喺時任領隊列碧克嘅臨時組隊建軍下，遭受咗王者巴西嘅「重錘一擊」！上半場德國搞掂勉強守得住，但係下半場嘅後30分鐘，日耳曼戰車兵敗如山倒，先後被薛羅拔圖、朗拿甸奴、阿歷斯*2連番攻陷城池，分組賽首戰即慘敗收場。

雖然第二場佢哋擊敗大洋洲冠軍紐西蘭2-0，但係末戰對陣中北美洲代表嘅美國又輸0-2，三戰一勝兩敗黯然出局。該屆賽事賽後領隊列碧克表示，自己甚至連班球員嘅樣同名都未分得清，而包括路禾尼、比亞荷夫等又拒絕參賽，確實係當年足壇嘅一次充滿爭議性嘅話題。

德國陣容後排左起：皮里斯、列文、波歷克、軒歷治、連基、禾恩斯；馬圖斯、列根、史高爾、紐維利、禾斯

#细说经典#