【娱乐新闻台】張與辰張馳豪人氣王同場粉絲陷入瘋狂
.
《中年好聲音 3》與《聲夢傳奇》人氣王 張與辰 張馳豪 同場參與活動演出，吸引大批粉絲到場。「辰粉」與「鬆弛豪」舉住應援牌熱情支持，兩人獻唱多首快歌炒熱氣氛。張與辰又落台邊唱邊同觀眾握手，更與粉絲大合唱《愛，很簡單》；Aska則演唱快歌《Catch a Feeling》時帶動觀眾齊齊跳舞，現場氣氛沸騰。

張與辰自《中年好聲音 3》比賽結束後工作密麻麻，但仍會平衡生活，日前抽空遊覽主題樂園放鬆。比賽期間嚴格控管飲食嘅佢，賽後終於「破戒」品嘗最愛嘅炸雞同烤肉，不過為保持身形，僅限每周享用兩次。目前已完成新歌錄製嘅佢，近期正密密練習，希望以更熟練狀態呈現新歌。

Aska活動前一日為好友 馬天佑 廣州演唱會嘉賓。兩人曾在對方新歌《我們什麼都不是》MV 大膽挑戰BL主題，呢次Aska延續「男友」角色，趁Mayao 準備返後台換衫時，突然「公主抱」將佢送返後台，唔止引發觀眾尖叫，就連主角Mayao亦當場驚嚇。Aska透露，原本僅收到「設計講話環節方便換衫」嘅要求，但靈機一動諗到呢個驚喜，笑稱抱起好友「輕而易舉」，但擔心粗魯動作整爛對方身上鑲滿珠珠嘅演出服裝。

此外，Aska早前赴韓國拍攝同製作新歌，除咗換上「Oppa 風」新髮型，仲同當地製作人合作，直言獲益匪淺。 http://t.cn/A6e2SdDU