俠醫丨台前幕後齊集煞科宴慶祝 陳豪學針炙試手張曦雯誓死不從
.
陳豪 同 張曦雯 主演嘅新劇《俠醫》順利煞科，台前幕後再聚首舉行煞科晚宴，TVB多位高層、監製同演員 劉佩玥 馬貫東 丁子朗 齊齊出席。阿Mo飾演嘅角色以 黃天賜教授 為藍本，亦因為有黃教授傾囊相授，令拍攝過程非常順利。

阿Mo指向黃教授教學太極、針炙、射箭以及人生哲學，令佢獲益良多。黃教授就大讚阿Mo有中醫本能，因為陳媽媽都係一名中醫師，所以自己嘅分享只係畫龍點睛。阿Mo笑言準備好隨時幫人針炙，只係Kelly一直唔畀佢落針。Kelly亦話喺劇中都學到好多知識。

劉佩玥 同 馬貫東 飾演一對歡喜冤家，雖然係首度合作，但完全冇需要磨合期，一埋位就非常有默契。阿Moon解釋因為兩人係同一位經理人，私下會成日食飯吹水。馬貫東話一直都好好奇阿Moon嘅工作態度係點，最後發現原來係好自然。阿Moon話兩人劇中角色相處係自己會連珠炮發，而馬貫東就逆來順受。

丁子朗 一早預告自己喺劇中係壞事做盡嘅大反派，丁丁坦言最初有被角色難倒，多得一位前輩指點令佢突然開竅，而呢位前輩就係阿Mo，因為當日佢要拍一場被人壓喺地下毒打，當佢諗要點演嘅時候，阿Mo嘅一句說話就令佢明白。 http://t.cn/A6ejQfMj