【轉載視頻】娛樂新聞台訪問視頻丨璀璨之城丨邵美琪與吳卓羲相隔廿年 再度合作延續母子情

@Ron吳卓羲、邵美琪同張曦雯等主演嘅劇集《璀璨之城》，即將出發到澳門同珠海拍攝，一眾演員出發前齊集電視城出席劇組會議。今次Maggie、Kelly同阿Ron飾演一家人，亦係Maggie同阿Ron相隔廿幾年後再演母子，令佢哋都感嘆時間過得好快。

Maggie笑指當年阿Ron好細個，阿Ron就解釋係心智細個，因為當時初入行，估唔到咁多年後有機會再演母子，感覺好親切，阿Ron仲話自己咁多年嚟都係叫Maggie做阿媽。

難得離港拍攝，當然要搵好嘢食，Maggie話一向好錫工作人員嘅阿Ron已經講咗會萬歲，仲要係幕前幕後都一齊請。阿Ron解釋幕後同事係睇住自己大，若果冇佢哋，自己都唔會有咁多造型。#吴卓羲[超话]# http://t.cn/A6eDz7Rl