二十世紀九十年代巴西湧現出一波又一波嘅世界頂尖射手，人才輩出，查杜爾（Mario Jardel）就係其中一位。呢位天生嘅射手，唔單止射術精湛，頭槌同樣係佢嘅得分利器。1996/97球季，呢位巴西前鋒由甘美奧加盟波圖，隨即以30粒入波協助葡萄牙班霸奪得該季聯賽冠軍。而隨住時間推移，佢嘅震懾力唔淨係屈就於國內聯賽，其入波嘅魔爪已經伸向歐洲賽事。由1996-2000年效力波圖嘅四個球季中，佢為球隊喺歐洲聯賽冠軍盃所取得嘅入波就高達19粒入波，呢個對當時歐洲以外嘅球員來講，數字係相當驚人。當然最令人印象深刻嘅，係1999/00球季，查杜爾以10粒入波，與魯爾（Raul Gonzalez）以及李華度（Rivaldo）並列該季歐聯金靴！

#细说经典# 🔵⚪️#FC Porto#