#花時光# 我種植的花園終於完工了。行到腳弊去搵每棵植物。種4日，行5日搵植物。係廣東最熱最焗之際。正因為過程難撐，所以成品更珍惜，所以導致我幾晚發夢，都係要去查漏補缺同解決問題的。真系訓覺都好忙。
遇到幾個好的花農叔叔們，真系一句話辛苦都無，佢哋一直做，淨係搬泥搬左400幾袋，其他植物，石板等等，我見到都腰骨痛，佢哋d汗係尼加拉瓜大瀑布咁流。所以我每日買好多凍飲比佢哋，因為試過其中一個快中暑，佢要去買藿香正氣水。而且其中一個叔叔一直幫我一起解決問題，用佢的經驗。其實係好多位置為左排水，我地墊左好多隔水板，陶粒，有d位直情積水，因為翻開泥土發現太濕潤，個叔叔挪電鑽係地下鑽幾個窿排水。然後我地再加土，種植。好多眼睛睇唔到的事情，我地都做了。我同阿叔講，我希望盡可能做到以後唔帶麻煩比客戶，而唔係隨便種完就走，要解決好多基建問題。當然，只能盡力，因為天然的事情都係難把控，尤其係廣佛種植物係重大挑戰。
我幫客戶打造的花園小走廊。有沈甸甸的柚子，果實累累的蘋果，一個個垂掛的檸檬，繡球，小紫菊，楓葉，紫藤等等⋯⋯我相信會係全國最美的餐廳花園[加油][加油][加油][加油][加油][加油]因為其實真系好少餐廳遇到一個省錢又有審美的小能手。當然，老闆比其他餐廳都願意投入的了。
但我係佢價格內又做到超乎人類想像了[抱一抱][抱一抱][抱一抱][抱一抱][抱一抱]
經過暴雨，暴曬，同花農叔叔們一起並肩作戰的結果！
好多謝蕃薯比呢個機會我，佢結婚的時候我仲讀緊學前班，參與唔到佢的婚禮，佢知道我唔單只拍攝叻，做農民都頂呱呱，佢拉埋老公落水，一起投奔於我驚人的才華之中，所以佢先生開的餐廳，給予我最大的空間發揮。
本來呢條長廊係舖木板，放幾張台就算，但係佢相信我的提議，打造一個廣東內的小花園。我地幸運咁遇到彼此，先可以製造呢番鬧市中的小美事。 餐廳已經開業啦，係佛山：Dodohall 。 大家唔得閒都去欣賞下啦～