拍住「大佬朗」睇來黏到下著數，祖奧菲歷斯同基斯坦奴一人兩粒，加上簡些路一粒，作客嘅葡萄牙打到主隊亞美尼亞「無過聲氣」。另外五粒入波都係來自沙地聯賽效力嘅球員，質疑該國聯賽水平嘅朋友又要收收嘴🤫。祖奧菲歷斯入波後致敬祖達，respect🫡

英格蘭贏安道爾兩粒球迷就未必會收貨，其中一粒重要係對方「擺老烏」。不過主教練杜曹話志不在此，佢表示今場嘅最大發現係踢緊森林嘅22歲年輕中場球員艾利洛安達臣（Elliot Anderson），此子踢足全場90分鐘，傳球成功率接近94%，另外有1次成功攔截，可以靜待一下後續發展。至於目前英格蘭所在嘅K組都叫做一馬當先，四戰全勝且不失一球，首循環結束後領先第二名塞爾維亞（踢少一場）5分。

兜番轉頭睇返F組嘅愛爾蘭大戰匈牙利，應該係尋晚最精彩嘅一場。主場之利嘅愛爾蘭先落後而後追，效力羅馬嘅伊雲費格遜同埋踢緊些路迪嘅亞當艾達（Adam Idah）成為球隊扭轉局勢嘅keyman，尤其後者補時階段嘅絕平入波令愛爾蘭能夠保住不敗之地。匈牙利需要注意體能同防守嘅問題，路蘭沙拿爾（Roland Sallai）入波變罪人，下一場停賽而且重要主場惡戰葡萄牙，主教練羅斯都幾頭痕。

世界盃QF歐洲區分組賽第五比賽日-
Group F
🇦🇲亞美尼亞0-5 葡萄牙🇵🇹
🇮🇪愛爾蘭2-2 匈牙利🇭🇺

Group H
🇦🇹奧地利1-0 塞浦路斯🇨🇾
🇸🇲聖馬力諾0-6 波斯尼亞🇧🇦

Group K
🇱🇻拉脫維亞0-1 塞爾維亞🇷🇸
🏴󠁧󠁢󠁥󠁮󠁧󠁿英格蘭2-0 安道爾🇦🇩

#wcq# 🇺🇸🇨🇦🇲🇽