སྔོན་བཅོམ་ལྡན་འདས་ལ་ཀླུའི་རྒྱལ་པོ་མ་དྲོས་པས་ཕུལ་བའི་ཆོས་དུང་དཀར་པོ་བཅོམ་ལྡན་འདས་ཀྱིས་མོའུ་འགལ་གྱི་བུ་ལ་གནང་སྟེ་འདི་ཁྱོད་ཀྱིས་འགོག་པར་རིར་གཏེར་དུ་སྦོས་ཤིག མ་འོངས་པ་ན་དགེ་སློང་པད་མའི་ངད་ལྡན་འདིའི་ཚོགས་དུང་དུ་འགྱུར་རོ། །གཏེར་བདག་སྤྲེའུས་བྱེད་དོ་ཞེས་ལང་གཤེགས་ལས་ལུང་བསྟན་པའི་དུས་ལ་བབས་པ་ན། རྗེ་རིན་པོ་ཆེས་འགོག་པ་རི་ནས་གཏེར་ནས་བཞེས་ཏེ་འཇམ་དབྱངས་བཀྲ་ཤིས་དཔལ་ལྡན་པ་ལ་གནངས་ནས། དགོན་མ་ལས་བུ་དགའ་བ་འོང་བར་ལུང་བསྟན་པ་ལྟར། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པས་གཏེར་རྡོ་ཕ་བོང་འདི་རྒྱབ་རི་ནས་བསྒྲིལ་ཏེ་གང་དུ་གནས་པའི་གནས་དེར་དགོན་པ་གདབ་པར་བྱའོ་སྙམ་དུ་དགོངས་པ་བཞིན་འབྲས་ས་ལུ་སྤུངས་པ་ལྟ་བུ་བསྟི་གནས་འདིར་བོད་རབ་བྱུང་བདུན་པའི་མེ་སྤྲེལ་སྟེ། ༡༤༡༦ལོར་ཕྱག་བཏབས། http://t.cn/R2WxD2W