专访丨陳家樂同連詩雅赴日爆買驚歎“瘋狂” 呼籲前輩一齊幫助海俊傑

陈家乐日前出席活动，谈到了自己最近的工作和生活情况。

日本大爆买完之后翻嚟呢度要去马场揾啲钱？
咁去日本我主要唔系买嘢，而系带一套香港电影去嗰度参展，呢套戏系嚟紧会上画嘅《像我这样的爱情》，佢系 18 集，最后定咗级系三级。其实个内容唔系三级内容，而系一套好纯嘅爱情电影，只系因为入边有一两个镜头牵涉少少三级成分，先至被定为三级。如果成套戏嚟讲真系好纯，但变咗爱情动作片之后。

等小朋友长大会给他看嘛？
小朋友要等 18 年后先睇到，不过如果佢真系想睇，等出咗 DVD 我可以剪走嗰几个镜头俾佢睇。

心情如何？
今日嚟到马场，都归心似箭，做完工作就即刻翻屋企喂妻，今日系星期日放假日，但呢个都系工作，我系奉命嚟呢度希望可以赢少少，赚啲奶粉钱。

同连诗雅的日本之旅
之前我同太太都去咗转日本，嗰次系我哋婚后第一次有机会去旅行，其实我哋计划咗好耐，婚后本来想出去玩，但各自有工作，之后又有咗小朋友，一路都度唔到啱嘅时间，终于喺10月中我生日嘅时候，大家都有假期，就去咗玩。

连诗雅购物的状态
之前认识陈太嘅时候正值疫情，冇得出去买嘢，结婚之后佢做咗妈妈，好少真系去 shopping，多数都系网购，今次系我第一次见到佢行门市嘅疯狂状态，佢嘅战斗力好强，不过其实唔算好高分，只系我之前冇见过啫，毕竟储咗咁多年嘅购物欲望，一次发挥都好合理。佢买得最贵嘅系包包同手袋，因为去咗东京，有好多免税优惠，汇率又低，所以平好多，就买多咗少少。我自己张信用卡额度好低，冇附属卡，亦都冇即刻打去银行加额度，而系入定啲钱落去买嘅。

关于海俊杰为太太筹钱治病
讲翻啲唔系咁开心嘅事，琴晚半夜海俊杰喺网上呼吁大家帮下手，话佢太太需要紧急换肝，我之前同佢合作过一套电视剧，合作次数唔多，得几日，但合作过程好开心，佢系一个好好嘅前辈，不过我哋冇私下交换电话联络。今日出门口前见到呢个报道，虽然冇详细了解清楚，但知道佢太太好似需要啲现金帮手，我希望可以揾一啲前辈，睇下有咩帮到手，大家一齐帮帮佢哋，如果需要嘅话。
#TVB[超话]# http://t.cn/AX2xffW3