舞台劇「人間有情 」謝幕詞

首先借助各位觀眾的掌聲，鼓勵台上一眾演員！
今日擔綱演出係 「春天實驗劇團」第一、二屆＂傳承演藝訓練課程＂的畢業學員
有兩班學員，屬於第二屆新參與有六位，都係首次擔綱演出舞台劇。
其他有15位屬於第一屆，之前嘅畢業演出係《我和春天有個約會》
今次訓練課程由今年8月23號，經過2個月共19堂嘅上課，之後有7個星期排練，去到今日嘅演出。
課程導師有李潤褀，而主力導師：導演 焦媛小姐

跟住我感謝 專業嘅幕後工作人員 ：
執行監制 鄧世華
助理導演 李嘉慧
製作經理 張仲珩
形體指導 田蓓瑜
燈光設計 鄭禮釗
服裝統籌 何家敏
執行舞台監督 蕭悅婷
助理舞台監督 梁海瀅
音響控制 蕭蹻 鄭偉權
部分音樂製作 劉穎途
投影控制 何灝宏
化妝及造型統籌 朱一明
化妝師 劉佳  李瑞意 
劉寶珍  凌文娟 Susi
字幕控制 郭穎豪
錄影同剪接 梁芷琪

感謝以上各位戰友！

今次演出我哋得到好多社會賢達嘅贊助（排名不分先後）
榮譽贊助包括：
區永熙SBS太平紳士
觀塘區議員 吳承華先生
菱電發展慈善基金
Raymond Chan陳煒文先生
容永祺先生 任達榮先生
仲有
中投控股集團有限公司

今時今日，出錢出力贊助演藝文化藝術，實在非常難得，衷心感謝以上各位嘅贊助！

《人間有情 》呢個戱，係香港話劇團1987年11月20日首演，已經係38年前；曾經拍成電影，1995主力出品方係嘉禾電影公司，代表出品方係蔡永昌先生；作為電影導演，我到今日都好感激，喺當年嘅商業電影世界竟然會有電影公司，有勇氣去拍咁＂另類＂嘅電影，當時全部係舞台話劇演員擔綱主演，冇用到電影明星，而香港票房，當年有近七百萬，都算得上係＂異數＂。

一劇之本，以上舞台劇本同電影劇本編劇係杜國威！
1998年，我哋「春天舞台」再演出38場話劇版，並得到＂梁蘇記＂第三代傳人梁春發先生到場站台支持！

順帶一提，現時香港市面有梁蘇記遮鋪，而杜國威嘅劇本，以梁蘇一家三代為故事主題核心，寫到梁蘇嘅孫，就係梁春發先生，喺60年代將中環德輔道中
鋪頭結業為止，呢個同時下香港市面嘅梁蘇記遮鋪，故事情節上並冇直接關連。

而今次演出，係將杜國威嘅話劇劇本同電影劇本結合整理而成，負責劇本整理嘅係焦媛導演！

而作為焦媛執導嘅＂療癒系列第三部＂，導演特別排演出一個序幕：
喺過去一個月，我哋香港人都經歷咗好多唔開心嘅事，希望通過歌與舞嘅藝術呈現，鼓勵大家積極面對將來。

屯門大會堂場地夥伴計劃「春天實驗劇團」下一個製作：
2月28/ 3月1號，喺呢個舞台有合家歡音樂劇《小海白》，春天劇團嘅第五度公演，全新覆排以海洋世界為題材嘅環保音樂劇，已經開始予售。

亦喺呢度預告一下「春天實驗劇團」嘅＂演藝訓練課程＂將會辦第三屆，而畢業作品將會係＂南海十三郎＂！亦係杜國威嘅名作，有興趣參與呢個香港劇壇經典作品嘅朋友，要留意報名！
希望大家多D買飛入場，支持香港舞台劇嘅發展！
最後祝大家
冬至快樂！Merry Christmas！ http://t.cn/RJvuaLO