on.cc 東網／東方日報

現年64歲的歌神張學友刷新個人紀錄完成324場巡唱，他對於成為「失業大軍」感失落，但受訪時盡顯「六十而耳順」的大智慧，親自拆解欠債及健康響警號等傳聞之餘，又提及猶如「失蹤人口」的太太羅美薇，連歌手大忌走音亦毫不避忌，一次過滿足網民的八卦心態。
由於是最後一場演出，學友唱到最後一秒，Encore唱了13首金曲，更許願將來舉行金曲演唱會。演唱會至晚上11時15分完騷，學友依然保持狀態，在後台受訪時滔滔不絕。他重提在馬來西亞開騷時因耳水不平衡跌倒，首度大爆驚人消息：「第一次畀人見到，冇畀人見到其實跌倒好多次，暈眩對唱歌冇影響，郁動就有影響。綵排時冇事，化妝時開始暈，若然要取消演唱會影響好大，要付出代價，所以博一博。嗰次喺斜台跣低，又死要面撐起身繼續唱，有一刻都覺得自己行得太近台邊。」對於之前有網民指他手掌發黃，擔心他有隱患，他叮囑各人放心：「係畀拜神啲香染咗色啫！」
學友暈倒後仍繼續開騷，惹來欠債的揣測，他大爆金句：「其實我好慳，有儲錢習慣，不過解釋變咗掩飾。我冇借錢習慣，知道出嚟一定有人講，阻止唔到亦無法控制。」他表示從沒想過舉行超過300場演唱會，又透露曾考慮在啟德主場館舉行巡唱終章，雖然場地夠大又有新鮮感，但遭他否決：「上去睇過，唔適合我個騷。」
【張學友巡唱落幕「講八卦」　破解欠債疑雲】

#张学友60+巡回演唱会##张学友香港演唱会#