12年前，因為拍攝電視節目《快樂聯盟》認識佢哋，
咁多年嚟大家繼續保持聯絡，間中約出嚟飯局聚會，
每次都傾到唔捨得走，因為佢哋講嘅故事實在太好聽，
亦都喺佢哋身上面學習到一個表演者，應該要有嘅態度。

今年係佢哋踏入樂壇邁向41周年，真係好勁，
嚟緊4月28至5月3號喺紅館再開佢哋嘅演唱會，
幾個禮拜前，有一日，佢哋突然打電話俾我，
問我可唔可以幫手做佢哋演唱會記招嘅司儀，
我即刻應承，因為我都好想喺現場見證呢個重要時刻。

今日嘅記者會，佢哋三個都着住白色禮服進場，
直頭好似一個婚禮嗰啲，仲要喺台上面宣誓簽紙，
佢哋承諾繼續會將呢份愛延續落去，
繼續將美妙嘅歌曲帶到世界每一個角落。

各位草蜢嘅粉絲，大家記得買飛支持，
喺到預祝Grasshopper Three In Love Concert，
票房大賣，場場爆滿，叫好叫座，恭喜恭喜。 http://t.cn/AX5AaiFB