【On.cc】吳偉豪起勢自薦搵Job　唔怕冇嘢撈

無綫上位小生@吳偉豪Ricco 自認幸運兒，入行以來未嘗工作真空期，雖然收入不如兄長們，但無悔入行。他回望訓練班時向每位監製登門自薦的日子，揚言若將來無工開，也會一如當初繼續「𢱑撈」。談到感情生活，他堅持封口以免令大家模糊焦點。

在熱播的《非常檢控觀》中，吳偉豪大有發揮。

憑處境劇《愛．回家之開心速遞》中飾演「朱凌凌」而成功入屋的藝人吳偉豪（Ricco）近年工作機會接踵而來，二搭馬德鐘的新劇《非常檢控觀》最近播出，作為劇中動作及晒肌擔當的他有不少亮眼演出，包括貨車上對打、火場救人及脫衣騷肌等場口。今次亦是他跟游嘉欣二度飾演情侶，二人不少親密場口均由女方作主動，問到會否感尷尬時？他坦言：「尷尬唔係因為佢錫我，而係現場有20、30人圍住，再一齊睇回放去檢討。」又指兩人之間有說不出的默契，從沒刻意營造，但出來很有化學效果。

吳偉豪憑處境劇成功入屋，收入亦相對穩定。

早前Ricco獲公司頒發10年服務金牌，他回想17歲入行由爸爸陪同簽約無綫，最深刻是訓練班實習時的辛苦日子，當時演的皆是無人問津的小角色，還要上門向每位監製自薦：「我印咗CV，將自己識嘅嘢都打落去，跟住就逐個監製房去敲門。（個個新人都要咁做？）唔係，有試過做嘅途中，有前輩問我點解要咁做，佢話唔需要，我覺得做咗都無壞，工作應該主動爭取。」他不諱言若將來無工開，也會跟當年一樣主動出擊。

吳偉豪回想訓練班時期，曾主動敲門搵機會。

Ricco自問幸運，入行10年拍足10年處境劇，故此收入相對穩定，從未有長時間無工開的情況：「入行以來可以自給自足，都畀到少少家用。」談到其兄長們都是專業人士，均高薪厚職，他雖無悔入行，但卻後悔未能令母親感安心：「我媽媽係思想好傳統嘅人，我入行時，佢再三問清楚我係咪肯定唔後悔，就算依家佢都擔心我將來冇嘢拍，叫我考定個的士牌。」

吳偉豪17歲入行時由爸爸陪同簽約無綫。

而Ricco入行以來緋聞不多，問到現時有否拍拖，他避而不談，其後解釋：「感情事唔會特別想講，我入行為工作，一講感情大家只會集中呢樣嘢，我所努力嘅就會被忽略。」他稱擇偶條件是賢良淑德：「如果返工好忙，返到屋企有人煮好一餐飯會好幸福，由個心甜出來。」

吳偉豪最深刻是在訓練班實習時的辛苦日子。

吳偉豪初入行飾演的皆是無人問津的小角色。

吳偉豪無悔入行。

吳偉豪（中）與馬德鐘和賴慰玲大鬥演技。

吳偉豪劇中動作及晒肌擔當，演出亮眼。

吳偉豪親自上陣應付大量動作場面。

吳偉豪夥游嘉欣談情自帶默契。

游嘉欣與吳偉豪有不少親密場口，更是女方主動出擊。

場地：VIDA LIVING陳列室