【女人方言： @郑秀文Sammi 】

《女人方言》訪問到Sammi，是一項成就解鎖🔓🔓🔓！

我很久之前已經很想訪問Sammi，她領銜主演的電影《夜王》上映，正是一個黃金邀約契機。這套表面談及夜總會紫醉金迷的作品，蘊含更深層次的意義，無獨有偶貫穿了Sammi的事業、家庭與身心發展，整個訪談充滿了她的能量與智慧，就讓我用文字，熬出Sammi的心靈雞湯。

Sammi的事業 -

事業上，無庸置疑Sammi已經登頂，先是樂壇天后，再奪金像影后。但她沒有因而停下腳步，亦沒有厭倦近40年的演藝事業，繼續尋找「既熟悉，又有突破」的工作，然後遇上夜總會大家姐「V姐」這個充滿挑戰的角色。Sammi說，一直前進的動力，在於「熱誠」與「態度」：

「可能有日你叫我賣橙，我都係嗰個Sammi，我都會用呢個態度去賣橙，去執貨，本質冇變，只係工種有變，你心底裡對工作認真、認知及全然付出不變。好多時你做某個行業做得耐，你覺得好悶，或者有怠倦感，你要喺當中不斷更新自己，帶著好大份熱情，你知道過程中有辛苦，如果你可視當中付出為快樂、過程、理所當然，你就會心甘情願為熱愛付出。」

《夜王》中有一重要信息，是各行各業都要看KPI，即關鍵績效指標，夜總會也不例外，年紀漸長的從業員要轉型。Sammi已過知天命之年，並不擔心「長江後浪推前浪」，堅信做好自己，就是自己最好的業績：「你叫我夾硬做返25歲，我做唔到。呢個年紀、歷練，有而家該做嘅事，樂於做好呢個角色，將以前嘅歷練，成為你工作最大嘅養份，而唔係阻力。」

Sammi的家庭 -

電影中另一多次出現的金句，是「共患難，共唔共到富貴？」最後答案是「共患難，最緊要同邊個一齊」。被問到現實生活中，是否找到共患難的人，Sammi微笑回答：「搵到！絕對搵到！」

我大膽假設兼肯定，跟她共患難的是許志安，好奇追問過程中兩人如何經歷，令感情更進一步，Sammi娓娓道來：「無論係咪夫妻關係，人同人有時有所經歷，都可以係一件好事。當然經歷緊嘅時候，有佢嘅困難，但往往通過呢啲經歷，好得意地更加鞏固一段關係。一件事嘅盡頭，你一定有啲最唔好嘅，但唔好嘅盡頭，可能有啲Brighter side，總會有啲得著。我唔敢講每對夫妻有過咁嘅經歷，都有咁嘅Outcome，因為大家有不同相處，有不同經歷，但我回望返自己，有過經歷，到今天，我看到Brighter side。」

今期篇幅打破紀錄地長，因為Sammi句句精警，發人深省，專欄全文請留意評論欄。完成訪問後，我只想為她簡單總結兩句：「做好Me，成就Mi！」

足本收睇女人方言鄭秀文：http://t.cn/AXtb8GY2

Topick專欄： http://t.cn/AXtb8GYA

服裝： HOWL Studio
場地： The Murray, Hong Kong, a Niccolo Hotel