【新歌预告】Bliss《大细路》
02-23 电台首播

江若琳丈夫萧唯展（Oscar，前名萧润邦）为前乐队Bliss成员，2002年入行做模特儿，及后签约公司Silly Things，与古驰组成乐队“Bliss”，惜出道多年半红不黑，乐队最后于2008年解散。Oscar退出娱乐圈，跑到上海拜师学做正宗生煎包，回港后创业经营生煎包店，及后更发展成连锁店，事业一帆风顺；古驰亦转行成为音乐老师。时隔18年，Bliss宣布重组并推出新歌《大细路》。

Oscar宣布Bliss重组出新歌的消息，他表示与古驰自2008年乐队解散后，已20多年未联络，却在去年12月台湾的一场面包超人展览上巧遇。这次意外重逢让他们重拾音乐梦，古驰太太Yanki更亲自为新歌填词。Oscar表示，这次重组是命运的安排，让他找回了对音乐的热爱。新歌将于2月23日首播。

他说︰“我职业系做生煎包，你职业系音乐老师。但我哋加埋一齐就系Bliss。《这是一首送给我们孩子的歌》。2025年12月，有几日假期，我同阿仔班friend去咗台湾亲子旅行。家长们把行程安排得密密麻麻，做父母嘅大家明啦，只要有半个钟都唔会放过行程安排。旅程一直都好顺利，唯独其中一日落大雨，所以改变咗行程，求其转场去咗附近一个商场行街。Owen得知呢个商场有面包超人展览，不停叫我带佢去睇，于是我就拖住佢揾面包超人。行吓行吓，突然有个人大声叫：‘喂，Oscar！’我回头一望，哗！原来系我二十几年前仲系组合时候嘅拍档古驰，同埋佢嘅屋企人。”

Oscar回忆当时跟古驰对望，世界似是停顿了。他续说︰“讲真，嗰一吓真系好想紧紧拥抱。因为我哋已经二十几年无联络、无见面，耐到连点解无联络，我都唔记得咗。男人就系咁，无揾无揾之后，就真系唔揾。见番佢嗰一刻，我真系唔知应该点做。我左手拎住部电话，右手抱住个仔，同我呢位廿几年无见嘅兄弟讲：‘不如我哋全部人影番张相留念吖，好开心可以见番你。其实我一直都知你搬咗嚟台湾。一阵send番张相畀你吖。你电话有无改到？系咪 9xxxxxxx？’古驰：‘我电话无改呀。点解你咁劲，仲记得我电话嘅？’我：“系！原来我一直都记得，连我自己都唔知添。’过咗五分钟，我用 WhatsApp send晒啲合照畀佢，仲打咗四只字：‘保持联络。’”

Oscar表示由那天开始，与古驰重新联络，透过WhatsApp聊天，说回年轻时的梦想及做过的疯狂事。他说︰“我哋每日喺东海大厦718室通宵做demo，做咗几百只demo。就算无人要，我哋都继续做，做到有人听、有人要为止。每个礼拜喺唔同嘅街头表演。仲记得维园表演嗰次，最大收获系吸引咗一班姐姐听我哋唱歌，好开心。我哋又会去啲小型场地表演，就算无喇叭都照唱，乜嘢都唔惊。好多时我哋表演，台下面得两个人喺度睇，我哋会互相安慰，话呢啲叫‘盂兰盛会’。我哋认为可能好多观众嚟咗，只系我哋睇唔到啫。时运低啲就会见到㗎喇！咁即系我哋依家时运高啦，无嘢好怕㖞。倾吓倾吓，我发觉对上一次同佢联络，系打电话、发手机短讯，或者留言信箱。当时嘅世界，WhatsApp、facebook 都未有。成件事好疯狂，好似穿越咗二十几年前嘅空间，同佢倾偈咁。跟住我问咗阿驰一句：‘我哋系咪仲有一样嘢未做完？’佢答我：‘可以呀。’六日后，我已经收到一首demo，仲要阿驰老婆Yanki已经填咗词。虽然我未同阿驰老婆沟通过，但佢好似已经住咗喺我哋两个嘅心入面好耐咁，写咗我哋两个嘅感受出嚟。我第一次听呢只demo，就已经觉得好感动。10日后嘅weekend，我飞咗去台湾，同大家一齐完成咗呢只歌。好多谢老天爷安排当日落雨。好多谢Owen叫我带佢睇面包超人。我一直以为我已经唔钟意做音乐。我一直以为年轻人先有时间讲梦想。大家记得留意2月23号《叱咤乐坛》，首播Bliss《大细路》。多谢永远对我很好的小云大师继续拍下每个重要时刻。”

#粤语歌# #Bliss# #Bliss重组# #樂托邦[超话]#