郭柏妍拜謝東閔學唱歌誓甩魔音之名 游嘉欣盼入女團直言不枉此生✨

郭柏妍、游嘉欣今日（7日）现身将军澳电视城，参与TVB全新综艺《魔音女团》海选活动。二人受访时大方分享备战心得，郭柏妍坦言早前因唱歌表现受教训，特意拜师偶像谢东闵进修唱功，直言有信心摆脱过往的「魔音」标签；游嘉欣就透露自己读书时有舞蹈底子，为海选落足心机准备，若能成功入围组成女团，绝对是不枉此生。

郭柏妍当日上台同节目组、其他艺人合照时，获监制同在场艺人齐齐拍掌鼓励，令她大感受宠若惊。佢受访时笑言，之前因为唱歌表现受过教训，深知自己唱功有不足，所以特意搵咗之前合作《麻雀乐团》的偶像谢东闵拜师学唱歌，希望可以改善自己的表现。
「有冇进步呢个都留返俾观众去判断，我自己唔敢讲太多，但我好有信心可以洗甩呢个魔音之名，当然最后得唔得，都要靠大家帮我判断啦，我自己讲唔作准㗎嘛。」佢又笑言，当日海选开始前太过紧张，仲特登去咗厕所平复心情，可见对今次比赛相当重视。

被问到觉得自己凭什么可以成功入围，郭柏妍就坦言：「凭努力咯。虽然我跳舞唔系好叻，但我好相信呢个节目可以好好训练到我。如果真系可以组成女团，一大班人齐心去做好一件事，真系好开心，好似之前台庆同咁多女仔一齐唱歌跳舞，嗰阵时都觉得好开心、好难忘。」佢又透露，今次海选设有自选歌曲、大会指定歌曲同跳舞环节，自己已经做好充足准备，抱住随遇而安的心态，希望尽力做到最好。

另一边厢，游嘉欣就话，为咗今次海选，自己早喺屋企不停反复练习备战，今次准备的表演内容，全部都系自己独自在家筹备，落足十足心机。佢坦言中学时期就参加过舞蹈队，有一定舞蹈底子，所以跳舞环节对佢嚟讲难度唔大：「我自己比较钟意跳Justin嘅舞种多啲，但都需要有人一步一步教，如果话free style即兴发挥嘅话，我就真系有啲懵㗎啦。」

讲到对女团的期待，游嘉欣双眼发光咁分享：「一大班女仔一齐上台表演，真系好有团魂嘅感觉。好多年前我哋一班人试过一齐喺颁奖典礼度做开场表演，大家合力完成成个歌舞环节，跳完之后真系觉得大家更加团结，嗰种感觉好难忘。如果今次真系有幸可以入到女团，再感受一次呢种热血嘅感觉，真系可以话不枉此生。」

郭柏妍亦都附和话，自己本身就好钟意一大班人齐心完成一件事的感觉，之前台庆同颁奖典礼的歌舞表演，虽然过程紧张又有不少趣事，但全程都好开心，亦都好期待今次节目入面的各种挑战。
#TVB[超话]#