重案解密丨岑麗香挑戰超高難度對白 朱晨麗演黑化慈母 洪永城成魔之路
.
寰亞劇集「重案解密」即将开播，演員岑麗香（香香）、朱晨麗、洪永城、林子善和陳少邦等亮相香港国际影视展「寰亞之夜」Party。新劇改編自香港過去15年間，全城矚目的真實奇案，並以單元形式呈現，再由男女主角苗僑偉與香香貫穿所有故事線。

【岑麗香挑戰專業對白：貼滿記號狂背對白 拍到冇時間傾偈】

岑麗香今次喺劇中飾演「嚴灼瑩見晒，佢哋所有好與壞嘅人，要變態有變態，有忠有奸。點解可以令恐怖嘅嘢拍出美感？好神奇。」佢坦言最大挑戰係啲對白難到爆：「我收到劇本嘅時候，真係覺得呢啲嘢係咪人講嘅說話嚟㗎？，見晒佢哋所有好與壞嘅人，要變態有變態，有忠有奸。點解可以令恐怖嘅嘢拍出美感？好神奇。」
為咗演得逼真，佢仲專登搵咗一個真係做嗰行嘅人嚟示範，點知對方睇完都話：「嘩，咁複雜嘅？」但原來現實中真係會咁講，所以香香只好狂做功課：「我收到劇本已經Highlight晒，貼晒貼紙，每日要背幾次，背到冚埋眼都識得講，好似同人傾緊偈咁，但其實個腦係喺度跑緊對白！」
林子善爆料香香在現場勤力背廣東話對白，劇本都被她做的記號畫到五顏六色，最佩服她同時還要跟兩名囝囝視訊。「以前我哋一齊拍劇都會傾偈，但呢套佢完全唔得閒，傾兩句之後原來佢仲有好多對白！你覺得佢喺度，但佢神都唔知去咗邊，根本冇聽你講嘢，自己喺度諗對白！」連放飯時間香香都要睇住小朋友做功課，認真大壓力！

【洪永城演反派 朱晨麗黑化慈母】

洪永城與陳少邦劇中飾演同袍，一忠一奸。其中Tony飾演一個做咗好多壞事嘅人，仲要係喪盡天良嗰隻！不過佢就話：「佢做嘅時候覺得自己係好人，但其實做咗啲唔正確嘅事，最終都俾三哥同香香佢哋搞掂我！」
朱晨麗飾演「瑤瑤」，係一個好善良嘅媽媽，但因為發生咗啲事令佢有唔同嘅變化，仲要黑化！佢話最大挑戰係演到自己都覺得恐怖：「我有睇返 playback，嘩，有冇咁恐怖同變態呀？呢個人真係好恐怖，我做唔到㗎！」佢笑言自己演技好似開咗外掛，連自己都嚇親，全靠導演同燈光攝影師嘅配合，令到成件事特別生動。身旁的香香立即認證：「我有睇片呀，呢個人真係咁恐怖，做唔到！」

【林子善陳少邦各有角色 呼籲觀眾密切留意】

林子善表示好開心可以再同三哥和香香合作，感謝監製梁家樹、「家姐」佘詩曼和梁靖琪（Toby）引薦他加入拍攝，他透露劇中與三哥有家庭紛爭，劇情緊張刺激，令他十分期待。
陳少邦就話自己嘅角色會見到所有人嘅好同唔好，所以又變態又奸又忠，要大家睇晒每一個案件先會明。
#TVB[超话]# http://t.cn/AXfcDniN