娱乐速递丨《卧底娇娃》抢眼 吳子冲自爆離巢無綫真相 澄清並非轉行
.
藝人吳子冲喺熱播劇集《臥底嬌娃》入面表現亮眼，人氣急升，日前有網民發現佢嘅名字喺無綫官網消失，佢今日（22日）現身劇集宣傳活動時親證本月初已正式離巢。

佢解釋希望喺演藝事業以外有啲唔同嘅發展，透露早前接受咗學校邀請，利用自己喺演藝圈嘅經驗開班，教授如何建立個人形象同AI知識，另外亦開設咗自己嘅公關公司。

佢感謝公司理解自己嘅想法，等佢可以外闖見識唔同嘅事物，又話仲有幾套劇集未播出，到時會照樣現身宣傳，澄清自己唔係轉行，若有需要仍然會返嚟拍劇。

#TVB[超话]# http://t.cn/AXfW4s42