【On.cc】羅子溢與王敏奕有感情線　再與賴慰玲有身體接觸

藝人羅子溢、林盛斌(Bob)、王敏奕、賴慰玲、傅嘉莉、張馳豪、容天佑等在將軍澳電視城為無綫新劇《警是個大佬》拜神。羅子溢在劇中一人分飾兩角，被變成植物人的林盛斌靈魂附體，但子溢既與Bob的女兒王敏奕有感情線，又與Bob的情人賴慰玲有肉體接觸，關係錯綜複雜，大玩黑色幽默。

人才濟濟。

羅子溢如願演一人分飾兩角，但覺得相當有難度，一邊是暖男，另一邊則要演繹Bob的霸氣江湖大佬，需要模仿對方的小動作，更有神同步晝面，亦要為劇集騷肌鍛煉，他說：「自己好鍾意羅嘉良嘅《先生貴姓》，但今次就唔使扮女人，但我又好想扮女人，覺得自己扮女人都會幾靚。（靚過老婆楊茜堯？）惟有講好難，應該咁講，冇人可以靚過我老婆，我扮女人就可以喇。」一向演出搞笑的Bob今次則正經地演繹霸氣兼陰險的江湖大佬，劇中靈魂出竅，不時附身子溢。與賴慰玲有感情線的他則埋怨劇中親密接觸則給了子溢，他只能夠在旁觀看。

講到子溢演出的另一劇集《枱底》原本預計在新年後開工，他則說：「差唔多，仲籌備緊（疊住開兩劇？）疊又好、唔疊又好，依家有工開已經好開心，有得疊真係好感恩，直情感覺好奢侈。（公司好重視錫你？）係呀，希望之前拍嘅《模仿人生》都可以出街，呢套對我嚟講都好大挑戰。」感情線方面，他笑言與王敏奕終於修成正果，不用再像劇集《婚後事》中「偷情」，同時他又與傅嘉莉有感情戲。王敏奕則說：「同佢係有火花，但又唔會拍拖，因為佢有時會係Bob，Bob係我阿爸，如果拍拖就怪怪哋咁，但係都有化學作用嘅。」

賴慰玲在劇集《非常檢控觀》出街後成為美腿擔當，她笑言無獨有偶新劇也經常穿短裙仔，但自言並沒有長腿。講到與子溢的親密戲？她笑說：「監製好益我，同Bob係情感交流，同子溢就係肉體交流，周旋喺三角關係。呢套戲好多情人，監製仲話會加少少「肉搏」戲畀我同張馳豪添。」她又指每次想起與Bob的感情戲就會不禁發笑，相信拍攝時最大挑戰會是忍笑。

羅子溢與王敏奕有感情線。

王敏奕（左起）、賴慰玲和傅嘉莉劇中大鬥演技。

賴慰玲演技精湛。

王敏奕成績卓越。

傅嘉莉人氣高企。