《中年好聲音4》吳亦偉MVP如願以償 新歌參賽照攞最高分
.
《中年好聲音4》戰況越嚟越激烈，上弦選手吳亦偉憑住自己嘅原創歌曲參賽，成功奪得第六回合嘅MVP（最有價值選手），如願以償。

吳亦偉透露，今次參賽嘅歌曲係佢上年十月新寫嘅原創作品，仲係第一次公開演唱：「我個名叫吳亦偉，好多歌都會有『以為』，我就想寫一首關於『你以為』或『我以為』嘅歌，但後尾諗，既然有機會喺《中年好聲音》唱，不如就寫『吳亦偉』三個字。」佢笑言首歌叫做《無以為》，從未喺其他地方唱過，連綵排都係第一次唱。

被問到點解揀咁後嘅出場次序，吳亦偉話：「我去到嘅時候得返後面嘅組別可以揀，如果可以揀，我寧願中間啲，最好係食完晚飯之後唱。」佢又話自己都有練緊廣東歌，希望將來有機會喺舞台上演繹。

其他選手大讚吳亦偉喺音樂上幫咗佢哋好多，例如編曲方面。吳亦偉就話：「我最怕收到訊息話『亦偉哥可唔可以幫吓手』，我又唔好意思拒絕人。」被問到會唔會視其他人為對手，佢坦言：「比賽係比賽，但嚟到識朋友先係最快樂。大家都成年人，比賽仲要帶嚟仇恨就冇意義。希望可以交朋友，令更多人聽到我哋嘅歌。」

訪問尾聲，吳亦偉信心滿滿咁話期望今次攞MVP，結果真係如願以償，憑住《無以為》奪得最高分，成為今集MVP。#TVB[超话]# http://t.cn/AXIkgKih