【On.cc】《尋秦記》High到凌晨古天樂感動爆喊　林峯歌癮起唱《愛在記憶中找你》

《尋秦記》電影版上映至今票房報捷，截至2026年4月6日，港澳累計票房已達$97,654,962，成績斐然。一眾主演古天樂、林峯、宣萱、郭羨妮等昨晚（7日）與粉絲一同收看劇集版大結局，眾人更在商場玩到凌晨。

古仔見氣氛熱烈，睇大結局時又席地與Fans食爆谷，與眾同樂。由於氣氛太過熱烈，亦是最後一次謝票活動，見Fans如此支持，古仔和郭羨妮感動到喊。之後除了在台上與大家合唱《天命最高》外，更在台上唱新歌《世紀中騙局》，宣萱又為他伴舞，搞到台下Fans熱烈尖叫；至於林峯為炒熱氣氛，即場唱《愛在記憶中找你》，令他不禁話：「真係未試過凌晨1點幾喺商場唱歌，破晒紀錄！」

好多出席的Fans之後也紛紛留言：「今次有幸出席現場睇大結局TV live，真係有講唔出嘅體驗，成件事好夢幻好神奇！要hug hug被感動到喊嘅daddy@kootinlok_louis（古天樂），真係無限感動又不捨，一家人嘅畫面真係好有愛！」、「凌晨1點幾喺商場開演唱會😂正到喊！」、「我宣布你們四個可以原地成團了！jessica（宣萱）和朱仔是主舞，古生和峯是主唱！」

古仔同大家食住爆谷睇大結局。

宣萱都席地而坐。

齊齊玩到凌晨。

古仔見到Fans就好感動。

仲喊埋添！

多謝大家支持。

古仔向來係性情中人。

大合唱《天命最高》。

古仔仲唱埋新歌。

宣萱伴舞。

林峯加碼唱《愛在記憶中找你》。

變成迷你音樂會。