我睇到嘅係理想主義者嘅悲壯 尚且唔諗太多地覺得佢係主動定係被動 無可否認嘅係佢始終都抱著一腔熱誠 做兩地文化嘅橋樑 令所有嘅矛盾都得到一個溝通同了解嘅機會 好明顯呢個係三煞位 但無論係十年前定十年後 佢都依然一次又一次飛蛾撲火義無反顧

十年來大家都默契地不再提及嗰條刺 小心翼翼咁保護佢個傷口 默契咁踐行「你不來 我就來找你」 即使穿山過海才能見一面也甘之如飴 只係希望佢安好 唔再受到傷害 相信愛錫佢心痛佢嘅人會明白我所描述嘅呢種心情

呢幾年我都已經習慣忽視 但講到尾係驚 驚越來越差嘅網絡環境同兩地矛盾會再次將佢嘅一腔熱誠撲滅 所以我慶幸佢404 似乎咁樣佢就唔會再受到傷害 但佢比我更早明白 刺永遠係刺 無論如何保護 如何忽視 它依然存在 只有忍痛拔掉 將腐肉挖出 傷口才會重新長出血肉

佢比我想像中更加勇敢更加堅毅 條刺唔單止係屬於佢 更加屬於愛佢嘅每一個人 某程度上佢係帶我哋一起去克服嗰種因為愛而產生嘅驚 Hins is always walking with us

我更加唔鐘意就此推斷佢要北上還是如何 了解佢嘅人都知張敬軒永遠無路捉😏未來係點無人知 引用佢搭巴士理論 無論今次有幾多人繼續坐定選擇到站落車 沿路一起睇過嘅風景 佢帶比你嘅感動唔會係假 而我就一定會同佢坐到終點站🫂