涂毓麟谈獲封「馬國明2.0」 《風華背後》與朱茵演母子

涂毓麟Oscar11日到灣仔演藝學院出席香港芭蕾舞團籌款晚會。Oscar早前在TVB劇集《臥底嬌娃》演出，天然呆表情被網民封「馬國明2.0」，他直言以前參加《全民造星》時亦有此经历，他說：「去年播出《執法者們》，我有同馬明同場，都有同佢講，我都好開心。我自己係睇TVB劇成長，都好鍾意睇馬國明嘅戲，既然大家覺得我係馬明老師嘅2.0，我就好好地學習佢嘅長處同優點。」

談到早前有份參與由朱茵、蔡少芬（Ada)、汪明荃、黃宗澤等主演的劇集《風華背後》拍攝，Oscar直言十分開心：「呢套劇拍得非常開心，我係第一次見一個非常完整嘅角色，同埋好開心有個咁有愛嘅劇組，我哋成Team人上個月都有約出嚟食飯。之前John哥（姜大衛）同Ada姐姐都約過食飯，所以好開心可以見到大家。」劇中跟「一代女神」朱茵演母子的他，被問到覺得真人跟過往電影中有否分別？他說：「我覺得朱茵姐姐作品好仙女好女神嘅感覺，太過容易被外貌吸引住，所以當時冇乜留意，今次可以同戲中媽咪合作，喺佢身上學到好多嘢。朱茵有同我傾偈，可能有時我演得未夠放，會提議我多看電影吸收，覺得佢係一個好好嘅導師。」

---
回应被指同马明撞样

其實當年玩《造星》嘅時候，我記得某位評判已經講過㗎啦。所以我今日就係咁樣。甚至乎前年嘅前年播出《執法者們》，因為有幾場戲同馬明同場，我都同佢講呢件事：「有人話我似你。」我覺得好開心。

因為我自己係一個由細到大都係TVB劇成長嘅人，包括之前睇《衝上雲霄》嗰啲，我都好中意馬明做嘅戲。我覺得無論從我好中意一位artist，喺戲上面、待人處事、人品上都非常之好，非常之nice。所以當大家俾呢個comment嘅時候，我都覺得既然大家覺得我係馬明老師嘅二點零，咁我就好好地學習佢嘅每一樣長處、每一個優點。

谈新剧《风华背后》

可能用咗我哋呢啲花之後，多數都自己一齊去。今年希望如無意外，《風華背後》今年會上到。因為《風華》係我喺套戲入面嘅家庭成員之一。有阿大姐姐、朱茵姐。朱茵飾演我媽咪，同埋Ashley係我家姐，所以我而家永遠都叫佢家姐。仲有阿波。今年應該會有呢套戲上，希望可以上到。

呢套嘢拍得非常之開心，我第一次好完整咁接到一個人物嘅角色，由Day One比較囂張嘅性格，慢慢變成一個有承擔嘅角色。好開心可以有咁有愛嘅劇組。到而家，上個月都啱啱成group家庭成員meet up咗食飯。之後阿Borgor同阿姐姐又安排食飯，好開心成日大家聚會。

問：即係其實你話朱茵做你媽咪，一代女神嚟㗎嘛，女神做咗啲乜？同你以前睇嘅有咩分別？真人係點？

答：可能因為我以前對朱茵姐姐嘅作品，覺得佢好仙女、女神，太容易俾單純外貌吸引住。今次同戲中媽咪合作，喺佢身上學到好多嘢。因為佢真係會好仔細坐低同我哋每一場戲講：「阿仔，你有啲咩做得唔啱？阿仔，你呢個位仲未放得開自己，你點樣可以令到自己睇多啲唔同嘅戲？有啲咩戲我建議你去睇，可以令自己進步。」所以我覺得佢係一個好好嘅Mentor。
#TVB[超话]# http://t.cn/AXMCy2kL