《報章分享》20260413 繽Fun 星網：陳展鵬搬新屋　單文柔爆老公木工水電一手包辦

藝人陳展鵬早前搬新居，他與太太單文柔近日在社交網首度公開新居環境，包括女兒的房間及花園，他們透露屋內還有3棵大樹，夫婦倆分別擁有工作房及音樂房，地方寬敞。片段開始，兩人回應報道指他們搬到「豪宅」，展鵬笑言：「其實係豪，係自豪個豪，唔係富豪個豪，因為自豪可以畀到屋企人住得開心、舒適，小朋友又有喜歡嘅地方。」單文柔補充：「點解咁自豪，因為所有嘢係佢（展鵬）一手一腳做，包括木工、水電、拆嘢、搬嘢全部都係佢做同策劃。」展鵬坦言自己將這些年學到的家居常識完完全全貢獻出來，單文柔讚老公已現成為一個好師傅。

至於今次搬家有否因裝修而產生矛盾，單文柔自爆之前因尺寸而被責罵，展鵬否認：「我冇鬧你，因為你之前睇到啲嘢好靚就覺ok，但冇睇尺寸，但尺寸唔啱就冇用，依家每次買之前，佢會畀我睇先。」又稱讚太太今次買梳化及餐枱的尺寸預得相當好。

@陈展鹏煎pang #陈展鹏[超话]##单文柔##陈展鹏[超话]##搬新居##展开说说吧#