《報章分享》20260414 繽Fun 星網：陳展鵬大方回應登台促銷傳聞　「開心價」減幾多都冇所謂

藝人陳展鵬與老婆單文柔昨晚到尖沙咀出席晚宴，兩人最近搬新居，展鵬更落手落腳為屋企裝修，他笑說：「慳得就慳啦，同埋依家啲師傅好難搵，我呢個師傅就隨傳隨到，都係自學，但係都仲未搞掂。」講到老婆都讚好，他笑說：「佢緊係滿意啦。」單文柔笑說：「我都有學㗎，扭螺絲，簡單都學識。」

陳展鵬最近到內地為旅遊演唱會晚宴登台，全場爆滿，現場反應也相當好，但有網民爆料主辦方疑最後關頭「減價促銷」票價由$498減到$299，展鵬回應則笑說：「我又唔知喎，都仲咁貴呀，$100得啦，最緊要開心，今次嗰個組合幾得意嘅，可以去唔同地方玩完，嗰晚再一齊Join我，有啲8百幾蚊、有啲千幾蚊，最後點促銷就唔知，目的係希望嗰晚大家心、氣氛好。我都想再做，好耐冇做呢啲騷，嗰晚見番啲粉絲，係有啲感動。」講到展鵬最近與女兒小豬比拍攝節目，問到是否為女兒做童星鋪路﹖他說：「童星就唔好喇，呢個階段好珍貴，讀書先啦。其實係因為節目個主題好吸引，點樣可以令到小朋友有目標、夢想。」單文柔亦稱無意讓女兒當童星，覺得今次是難得讓女兒發掘將來想做甚麼的機會，就讓女兒嘗試。

講到無綫有意「統一管理」藝人社交網帳號，展鵬説：「冇搵到我，唔知真定假，睇下係點演繹，嗰日返公司許濤主席都講咗好多公司改革嘅嘢，我哋公司都改埋名，佢都好直接講依家都冇人睇電視，所以由「電視廣播有限公司」改為「無綫集團有限公司」，即係多媒體，個發展會遠啲，做大個餅。」至於會否「上繳」社交帳戶密碼，他則坦言要先看合約，以及甚麼社交網，因有些社交網放有不少私人資料，會有保留，有些是商業性質的社交網則不介意。又認為現在消息公開了，反而有更多空間洽談，他說：「依家公司名都改埋，即係多媒體，我哋都想有多啲宣傳先得，你見唔到我兩三年，我就退休咁滯，依家劇少咗，自己呢兩年都冇開劇，所以都想有多啲唔同曝光。」

@陈展鹏煎pang #陈展鹏[超话]##单文柔##小猪比##展开说说吧#